[oaddah]

كاتب النص الأصلي : ayhamm26

اذا بتسمحولنا شباب عندي تعليق صغير على الموضوع قبل ما يتسكر ( لانو شكلو قريبا رح يتسكر)

اول شي للاخت وردة حماة, يا خيتو على راسي انت والحموية بس المنتدى متل مانك شايفة مو منتدى تبشير ديني ولما انت بتحطي هالحكي هون عم تفترضي انو الاغلبية مؤمنة في و متل ما بتعرفي انو قسم كبير من الاعضاء يا اما من اديان اخرى يا اما لادينيين, هي اولا.
تانيا اذا انت ما عندك قدرة على نقاش الملحد واقناعو بطريقة منطقية وليس بالايات القرانية , فليش لتدخلي حالك بهيك قصة يعني مو معقول واحد بقلك انا لا أؤمن بالله تقومي لحتى تقنعي بانو الله موجود تقوليلو قال الله تعالى في القرأن.


تانيا للشباب الطيبة اللي ملاحظ انن بيستنوا هيك مواضيع بس ليعبروا عن مواهبن بالسخرية من الاديان, يا شباب انا قريت موضوع البنت ما لقيت في تعد على معتقد حدا ولا سب للعلمانية ولا تسفيه لأراء غير المتدينين , طيب يعني خلص مرقوها وبلا يبين الموضوع انكن متحاملين على طائفة بعينها.

يعني لو دخل واحد هلق وقلكن انا بعبد الفيل وبعد ما موت رح صير فار , رح تتمسخروا علي بنفس الاسلوب ولا رح تنهال علي عبارات الترحيب والاعجاب ولاحترام لهيك دين؟؟
ليش المسخرة والتهجم مركزة على ناحية معينة وكأنوا يا عمي في تار بينكن وبين هالمعتقد؟؟



ولاتأخذونا على كترة الحكي

تحية عربية واشواق تكتيكية بكل ما في المهاجع من بدلات عسكرية . احييكم من داخل مدينة جبلي الابية .

انت لاحظت انو كاتبة .. منقول .. يعني ناسختو من موقع تاني نسخ لصق ..

تاني شي مصلاية عالنبي وذاككرة اسم الله وما حدا علق تعليق ديني غير جنابك .

بعرف كتير ملحدين هون محدا علق .. محدا علق غيرك حضرتك ..

وين السخرية بالاديان وانت متقلي العلمانية .

والعلمانية فصل الدين عن الدولة .. شو سبينا بلا صغرة على الدولة ولا على الدين ..
ولنفرض انك ملحد . وفتت هلق عالموضوع ومع احترامي للشباب . وشفت موضوع فيه الله . ليش لترد طالما مانك مؤمن بكل هالرب .. تاني شي الموضيع والنقاشات الدينية يا جنابك .. في قسم احوار الاديان روح تناقش فيه وابدي رايك ..

وبالنسبة للموضوع لا غبار عليه . وبالنسبة للشباب الالحاد محدا طرح رايو وبالنسبة الك خلي رأيك لنفسك ولا تغير مغزى ومسار الموضوع .

زكرتني بطاهر اخو وطفة سنت ال 2006 ايام ماكان يجي يعمل متل مانك متساوي
قامو ركبوه باص السكانيا .

اخي عندك كلمة طيبة بالموضوع شكر ثناء احكيها .. ما عندك . لاتدخل حالك او تقحم نفسك بنقاشات اكبر منك ونحنا في غنى عنها .

كمان بصفتك شو عم تحكي هيك . شو محلك من الاعراب لحتى متحكي هالحكي ... سقراط يعني ولا شي دكتور بالمنطق وعلم النفس .. ولا مستلم شي منصب كبير بشي حزب او شي شيخ . ولا لتكون شي قسيس . فهمني ..
خيو متلماني مقلك لا تدخل حالك بنقاش انت في غنى عنو ومستعد ضلني ناقش فيك للصبح . معندي مانع ..

ومن القلب للقلب .. خليك معنا عالدرب .