شو مابدي انا الي بدي
اقتباس:
كاتب النص الأصلي : jankasanova
ماضروري تفهم شو عم يحكو بالبداية..المهم الاذن تتعود على اللغة..جربها بتفيدك..انا كتير فادتني هالطريقة..
|
خلص رح جرب
اقتباس:
كاتب النص الأصلي : قرصان الأدرياتيك
سلام...
أنا حاولت أدرس الفرنسيّة بلبنان بحسب مناهج المعاهد الحديثة يللي ينطلقوا فيها من الجملة والمحادثة للقاعدة والتفسير، وبنفس المنهج درست حوالي 18 درس بالفرنسيّة في جنوب فرنسا وللأسف ما نفعت معي هالطريقة... لأن بدها حفظ بدون فهم (في البداية)!
ولما وصلت على إيطاليا لاقيت المنهج ذاتو: محادثة ثمّ تفسير وقواعد، وكمان قضيت أربعين يوم بشكل يومي بس النتيجة كانت وسط لأن أنا شخصيّاً بكره أحفظ شي أو أتعلمه بدون فهم وتفسير مفصل!
ولهالسبب عملت منهج خاصّ فيّ سبق واعتمدتو لما درست اللغة السريانيّة بدون معلّم. فبلشت أقرأ كتب قواعد بالعربيّة والإيطاليّة، للإيطاليّين وللأجانب، واسعة ومفصّلة وضيقة ومختصرة، بجانب هالأمر القاموس كان صديق دائم باخدو معي بكل مشوار، فأي شي يخطر على بالي كنت طالعو من القاموس.
الشي اللي ساعدني أكتر وأكتر هو الأفلام أكتر من الأغاني بكتير... لأن الأفلام بتشوف الحدث وتقرا وتسمع... عم قول "تقرا" لأن كنت حط الفيلم للطرشان حتى يحطوا الكتابة عالشاشة، وهيك أي كلمة ما كنت أفهمها، كنت وقف الفيلم وطالعها من القاموس، وكمل... الأفلام الأولى كانت تاخد مني ساعات بين الـ 5 والـ 6. وشوي شوي ما عدت بحاجة لتوقيف الفيلم إلا في ما ندر، هذا بالإضافة إلى أنّي صرت أحضرو دون كتابة، يعني لواحد بيسمع مو أطرش.
إذا بلشت بالقواعد مع الفهم ومنا انطلقت للمحادثة أفضل بألف مرة من المناهج المعتمدة حديثاً... هاي خبرتي بالإيطالية والسريانيّة ونجحت معي تماماً! إلا إذا بدك تتعلم اللغة لمجرد محادثة أو فهم حوار!
وإذا بدك أي مساعدة بهاللغة فأنا جاهز .
|
يعني قولك علي بكتب التعليم الذاتية
والافلام والقاموس
بس سؤال الوقت الي اخدته لتتقن اللغة كم