[اممي]

كاتب النص الأصلي : pinkish G

اي شو كنت بدي قول ..
مرحبا

بلا طول سيرة عليكون .. في مشكلة صغيرة عم تواجهني .. فا ياريت اذا في حدا بيقدر يساعدني مايبخل عليي .. وبكون ممنونة ..
في مواقع كنت افتحا من قبل ع هالجهاز وكانت تفتح معي طبيعي .. هلئ لما بجي لافتحا بيطلعلي هيك

- ‏‏يتعذر على Internet Explorer عرض صفحة ويب >> هاد بالنسبة لاكسبلورر
- Server not found >> هاد بالنسبة لموزيلا فاير فوكس

مع العلم اني عم افتح نفس المواقع بنفس الوقت من جهاز اخر بالبيت .. وعم يفتحوا معي بكل رياحة ..
ومن ضمن هالمواقع الفيس بوك ..
بقى اذا في أمل انو تنحل المشكلة من خلال الاعدادات تبع النت فا ياريت تفيدونا ..
وشكرا سلفا ..

بدك تشوفي اذا كنت عاملة بالاعدادات ان تحجبي مواقع محددة (هاد اجراء بيستخدم منشان الاهل يحجبو كم موقع عن اطفالن الصغار) ففيكي تفوتي عالاوبشن بالاثنين تختاري حمايه او امان او سيكوريتي وتغيري الاعدادات