اقتباس:
كاتب النص الأصلي : suryoyo
اول شي لا يعني ان كل مسلم يجب ان يفتخر بدولة الاندلس ... فالاحتلال هو احتلال و ان سمي بتسميات اخرى
ناس عرب سكنوا بلاد الاسبان .... و اي شخص قد يتحفظ على امور اخلاقية او ايديولوجية لا علاقة لها بانتمائه الديني
ثاني شي ... نزلي الموضوع ... بس لا تنسي تجيبي مصادر اوربية ايضا (لان المصادر الجزائرية حتما ستكون منحازة لانها نابعة من مشاعر خسارة بلاد كاملة) او مصادر حيادية
ثالث شي .. ما تنسي ايضا تجيبي مواضيع عن كيفية (فتح) الاندلس ... و نشر الاسلام فيها ...
هناك مصدر عربي قرأته يقول ان موسى بن نصير رجع من اول حملة ب 30 الف عذراء اسبانية كسبايا و جواري ...
على العموم ... اي موضوع مبني على اساس تاريخي موضوعي ... مرحب فيه ..
و بلا مصادرة اراء احد ...  |
هلق ما رح اختلف معك بقصة احتلال العرب لاسبانيا, بس لو اسقطنا القصة على شيء شبيه بعصرنا الحالي, لو مثلا الفلسطينيين قدروا يحرروا ارضن من الصهيونية بعد خلينا نقول هلق 60 سنة احتلال, طيب في شي تلت اجيال تقريبا من الاسرائيليين نشأت على هي الارض وفي منن ما بيعرف اصلا جدو منين اجى و لا بيعرف بلد تاني غير فلسطين , شو رأيك لو الفلسطينيين مسكوا اليهود و اجبرون على اعتناق الاسلام يا اما منطردكن برا , يا ترى رح شوفك بهداك الموقف عم تدافع عن تصرف الفلسطينيين على اعتبار انو يهود سكنوا بلاد الفلسطينيين و بيحق للفلسطينيين يعملوا فين اللي بدن ياه بعد ما يسترجعوا الارض؟
فما بالك بناس عاشت على هديك الارض 700 سنة, و تركت وراها ارث حضاري , في كتير اصوات باوربا عم تعترف في علنا؟
اقتباس:
كاتب النص الأصلي : suryoyo
لم اجد دينا في العالم يأمر بقتل الناس ...
فاذا عندك وثائق من الكنيسة الكاثوليكية تأمر بتعذيب المسلمين ... و موثقة ... ضعيها هنا
|
طيب شو بتسمي الدور القيادي للكنيسة الكاثوليكية بالحروب الصليبية؟ محاكم التفتيش اللي انعملت مشان اليهود والمسلمين مين كان القائم فيها؟؟ ما اعتذرت الكنيسة الكاثوليكية و ملك اسبانيا لليهود عنها ونسيوا المسلمين؟؟
الكنيسة الكاثوليكية الها تاريخ عنيف جدا ضد المسيحيين قبل المسلمين, مع العلم اني انا موافق معك تماما انو ما في دين بيامر بقتل الناس و اللي صار كان جرائم بشر نسبت لدين سماوي زورا.