الأخ الرائع أحمد الرائع
تحية و بعد ...يعني و أنا عم ققرا السطور اللي كتبتا يا أخ أحمد أصابني الذهول و الهلع
ذكرت أن فرنسا دولة متعصبة ضد المسلمين و هذا أمر لا أرد ععليه أنا و إنما الكلمة الفصل فيه للمسلمين الفرنسيين و يمكنك أن تعود الى مصادرهم المتاحة للجميع لتعرف الحقيقة بنفسك و دون وسيط .
أما بخصوص القانون اللي صار متل قصة بريق الزيت ...يا أخي القانون غير موجه ضد المسلمين و إنما لحماية المسلمين , أولاً القانون لايمنع الحجاب و إنما يمنع على الطلاب في المدارس ارتداء اي شئ يعبر عن الخلفية الدينية يعني ممنوع تلبس صليب اذا كنت مسيحي و ممنوع تحت طاقية مدورة صغيرة ( ما بعرف شو اسما ) اذا كنا يهودي و كمان ممنوع تلبس حجاب اذا كنت مسلم , أما كيف لحماية المسلمين ؟ يعني صار معروف بالنسبة للجميع أنو الاسلام صار دين مكروه في الغربو الشرق على السواء على مسنوى الشرائح الشعبية نظراً لارتباط اسم الاسلام في السنوات الخمس الماضية بكمية هائلة من أعمال القتل و الارهاب ( وهون مارح ناقش موضوع الاسلام والارهاب و انما رح نناقش الامر الواقع ) و بالتالي ارتأت الحكومة الفرنسية و بعد عدة حوادث أنو الافضل يكونو الطلاب بالمدارس مجرد طلاب , و هذا لصالح المسلمين في فرنسا في ضوء الوضع الراهن .
من جهة أخرى لماذا كل هذه الضجة؟ يعني الحجاب ممنوع في مدارس سوريا (و لو انو في تطنيش عالموضوع حالياً ) بس اللي من جيلي و اكبر بيعرفو انو كل بنت بدا تفوت ع المدرسة لازم تشيل الحجاب و اذا في مسيرة بتطلع بلا حجاب و اذا في معسكر بتفوت ع المعسكر بلا حجاب ....ليش ما حدا قال انو سوريا دولة متعصبة و معادية للاسلام ؟
الحجاب في تونس ممنوع ...ليش ما حدا اتهم تونس بمعاداة الاسلام ؟
الناحية التالتة واللي بالفعل خلتني ازعل منك لولا اني بحبك ....أنو الواحد بحس من كلامك كأنو تركيا شي دولة مسكينة وفرنسا شي مجرم !! يا أحمد مين تركيا ؟ العثمانيين ؟ العثمانيين شو مسلمين ولا كفار؟ شو قدمولك العثمانيين على مدى 400 سنة احتلال ؟ انت جاوب , خلال فترة الانتداب الفرنسي لسوريا تم انجازغالبية البنى التحتية من طرق و جسور وكهرباء وهاتف و موانئ و مؤسسات ( مؤسسات الدولة يعني ) خود مثلاً جامعة دمشق ( مبنى كلية الحقوق اللي اجينا نرممو قمنا حرقنا ) هاي مين بناها ؟ جسر دير الزور اللي بعد 70 سنة من خروج فرنسا مافي شي بكل ديرالزور خرج يطلع ع التلفزيون غير هالجسر , هاد الجسر مين عملو ؟
النتداب الفرنسي على سوريا احيا سوريا بعدما كانت جثة هامدة عفنة اثر قرون الحتلال العثماني .لاحظ يا صديقي باننا في سوريا ليس لدينا يوم استقلال نحن نحتفل بعيد الجلاء لأن فرنسا لم تحتل سوريا اساساً و يمكنك أن تسأل في هذا الشأن المؤرخين المعاصرين .
أما بخصوص الجزائر ...من قال لك أن الجزائريين يريدون أن يتكلمو العربية ؟ يعني يمكن ولا مرة التقيت بشي شب جزائري ع الواقع
اذا كان بربري فهوي بيكرهك و بكرهني و بيكره المسلسلات المكسيكية لأنو بيحكو فيها عربي , و اذا كان عربي بتلاقي مثلو الأعلى بالحياة فرنسا و ما بحب يحكي غير فرنسي و اللي شافو ستار اكاديمي يمكن لاحظو هالشي .
أما بخصوص معاهدة سايكس بيكو و التقسيم فهذه أمور ترجع أساساً الى وعد بلفور الذي قضى بانشاء دولة لليهود على ارض فلسطين , ومن المعروف انه في بداية الانتداب قسمت سوريا الى خمس دول هي دولةة جبل العرب أو الدروز و دولة دمشق و دولة جبل لبنان للموارنة و دولة حلب و دولة الساحل ( يعني هيك بتذكر و انشالله ما كون غلطان )
و كان خيار الموارنة في لبنان باقامة دولة مسيحية خياراً محقاً و عادلاً بعد سنوات الاضطهاد العثماني خصوصاً ان هذه الدولة كانت هي العامل الذي ساهم في وقف الهجرة المسيحية الجماعية من المنطقة .
فرنسا يا صديقي و عاصمتها باريس , لا باريس مربط خيلنا كما يقول بعض العنتريين الفارغين , بل باريس النور . فرنسا دولة علمانية قامت على شعار الثورة الفرنسية ( حرية اخاء مساواة )و للمواطنين فيها حقوق متساوية مهما كان دينهم , ولا تخلط بين المواطنين الفرنسيين و المهاجرين غير الشرعيين الذين يصادف أن غالبيتهم العظمى من المسلمين قهؤلاء ليسو مواطنين وحقوقهم تحدد وفق قواعد معينة لا علاقة لها بالتعصب او العداء للاسلام .
فرنسا اليوم لا علاقة لها بالحروب الصليبية (هل هناك علاقة بين سوريا اليوم والدولة الأموية و حروبها ؟) و أنا استغرب منك تعاطفك مع تركيا ضد فرنسا رغم العداء الواضح الذي تبديه تركيا للعرب و لجيرانها خصوصاً و رغم تاريخها الاسود الملئ بالمجازر و الكبائر هذا التعاطف الذي يجعلني اعتقد انك انت من تحركك مشاعر الكره و العداء ...و السؤال هو ..لماذا؟
J.S: Death is the solution to all problems. No man = No problem.