إذا ما في مصاري إذا ما في عندك بيت
إذا ما في سيارة لنصفّا تحت البيت
وإذا ما في سللولير صعبة الضهرة معك
مش مهم يكون معبّا مهم تفرجي اللي معك
وإذا ما بتحكي كم لغة صعبة السهرة معك
مش مهم تحكيون صح لو كم كلمة بتنفعك
وإذا منّك متخرج مهندس ولا حكيم
شو بقللون لأصحابي أنو يللي بحبو بهيم
إذا ما فيك تسهرني بتلت أربع مطارح
شو بعمل يا تقبرني إذا ما بحب المسارح
وإذا ما بتسمع أغاني فيها عيطة وصراخ
بمين فكرك بصرانة ببتهوفن ولا بباخ
إذا ما فيي لوّن شعري إذا ما فيي أنفخ حالي
إذا ما فيي غيّر وجي بفضل إبقى لحالي
وإذا ما فيك تأمنلي شي تلات أربع خدام
اي شو بدك ياني أطبخ أو نضّف الحمام
إذا ما فيك تسفرني علندن ولا كان
شو بدك ياني قضّّي الصيفية عل البلكون
وإذا ما فيك تعشيني سومو ولا كافيار
شو بدك ياني حمّص عروس لبنة على النار
وإذا ما فيي أضهر وحدي وصبحية عل البيت بفوت
ما تقللي بدك ليلية نقعد نلعب بيت بيوت
وإذا مش عامل اسورانس ضد الموت والعطب
طيب شو بعمل لما بتفطس
اي شو برجع عالحطب
وإذا ما فيي أعمل عرسي ومن بعدو أكبر كوكتيل
ورد وفرقيع وزفة وسهرة بأحلى أوتيل
وإذا ما بتهديني بعيدي وبكريسماس ولا بباك
لا همي قطعة موسيقى ولا همي لقب البراك
وإذا ما فيك تلبسني من أغلى المحلات
ووإذا انت ما بتلبس من آخر موديلات
يا أخي أنا بحب المظاهر أنت شو بتفرق معك
مش عم تفهمني الظاهر أو عالأرجح ما معك
ما معك ما معك
إذا ما بتسمع أغاني فيها عيطة وصراخ بمين فكرك تقنعني ببتهوفن ولا بباخ
يااااااااااااااااااليل
ولا أروع من هيك