[saman]

كاتب النص الأصلي : ..Jimy

رحت عالشام بعد طول غياب.. متغيرة كتير الشام خلال اربع سنين..

كنت خلال معظم اوقاتي بالشام هيك..واحيانا هيك..

ما رح احكي عالتلوث البصري عطريق الشام..لأ بقلب الشام اعلانات عشوائية..مباني عشوائي ..سيارات عشوائية ..سير عشوائي..شوب وخنيئ وعجئة..

مارح ائدر..مستحيل ائدر عيش بالشام .. ما كنت عم بئدر اتنفس..مافي هوى..اختنئت..

وينها مدينة الياسمين ؟؟وين دمشق نزار؟؟..

(عم فكر سجل اي فرع بحمص.. مافيني بالشام..)

متل ما قلك صافو ... بالشام ما في غير مطرحين حلوين .. قاسيون (المهاجرين) .. ودمشق القديمة ...بالمهاجرين قليل لتلاقي بيوت للآجار ...
ازا ع بالك بدورلك .. بالشام القديمة كوني ساكن فيها ... الرواق ع اصولو حبيب
بدورلك ع شي بيت او غرفة للآجار بأحد البيوت العربية او الشبه عربية ... شي ناهي
فا انو ازا ع بالك ... بهالمنطقتين الرائعتين .. بتلاقي الياسمين بالطريق مليان .. لحتى تشبع ... بس ما بتوقع انك رح تلاقي نزار