[المحارب العتيق]

كاتب النص الأصلي : VivaSyria

هيك اختلف الحكي وصرنا عم نحكي بالحلول الجذرية الصحيحة...يعني اذا بتلاحظ انت بأول مشاركة كنت عم تقول انو مو معقول يكون حكم البنت غرامة 300 ليرة فاذاً كنت شابف الحل بتشديد هالحكم وهاد برأيي مو حل لأنو حكم الاتجار بالمخدرات اعدام وفي ناس بتاجر بالمخدرات فاذاً مانو رادع.. والسبب التاني انك بهالحالة بتكون عم تحاكم النتيجة وتنسى المسبب

اما انك تبحث باسباب المشكلة والغطاء المافيوي لهالشبكات يلي ضالع فيها باغلب الاحيان شخصيات حكومية ومنون ضباط الأداب بالأمن الجنائي فهاد هو الصح...
وبرجع بقلك كيلو اللحمة بـ 800 ليرة وتنكة البنزين بـ 800 وأجار التكسي 150 ليرة والراتب 10 تالاف فلازم تتوقع كل أشكال الخطأ تنتشر بالبلد تباعاً.

أنا طبعا بدي حلول جذرية . بس انا بنادي بكل الحلول سوا دون اجتزاء . يعني مثلا تشديد قانون عقوبات الشرف . كلنا كنا معو وفرحنا فيه . بس كمان هاد مو الجذري . الحل الجذري بانك تنشر ثقافة تحريم قتل الفتاة لاي سبب . وانك تنشر الوعي بالمرأة وحقوقها خاصة عند المجتمعات العشائرية أو الريفية يلي بتصير فيها هلااشياء اكتر من غير اماكن . انا ماعم قول اعدام الداعرة . بس كمان هيك قانون برجع بقول مضحك . بتعرف شو عقوبة 300 ليرة ؟؟ . يعني ارخص من وجبة غدا . مهما كالن وضع المجتمع ومهما كان الغلاء هاد مو سبب كافي . . والبنت العفيفة عايشة وماماتت من الجوع . اذا بتلاحظ بالتقرير أنو اول بنت أكتشفت انو كل عيلتها بتشتغل بالدعارة . اذا كانو عم يشتغلو بس للحاجة فبنت وحدة كانت بتكفي . مو عشر بنات ويلي مشغلينهم جوازهم . يعغني بدل مايشتغل الرجل ويتعب . بيشغل مرتو وعيلتو بالدعارة