[HashtNasht]

عن جد ما بعرف...يعني وحياة الله انتو شغلة

حبيبات قلبي انتو...قريتو المقال شي؟؟؟ حدا منكن كلف خاطرو وقري المقال ؟؟ ...بيني وبينكن الافضل انكن تكونو ما قريتو...لأنو لو قريتو المقال و عم تسألو هالسؤال بكون ع اضرب ...يعني العمى كنو صحي

خلاصة الأمر هي أن وجود الحياة نفسه ليس له معنى، ولا الكون له غاية أسمى في انتظار أن تتحقق. إلا أنه يمكنك كإنسان حي، عزيزي القارئ، أن (تــَعـطـي) للحياة معنى من خلال أفعالك، بجعل العالم مكانا أفضل لك ولأقرانك ولذريتك.

كأنو الكاتب كان حاسس انو في ناس ما بتعرف تقرا اكتر من سطرين ..و لخص الفكرة بسطرين ...بس على ما يبدو انو في ناس ما بتعرف تقرا حتى سطرين

فمعنى الحياة ومغزاها، هو أن تعيش حياة ذات مغزى

يعني ولد عمرو ست سبع سنين اذا قري هالجملة بيفهم شو معناها ...و الشباب الطيبة عم يسألوني ليش بدو يترك بصمة ؟؟؟

على كل حال الشي الواضح بالموضوع هي روح القطيع ...يعني انو ما حدا لقى شي بالمقال غير قصة البصمة...و السبب هو انو اول واحد سأل سؤال ...صارو الكل بدهن يسألو نفس السؤال .....و انا فهمت من تكرار السؤال انو هني موافقين ع كل شي بالمقال و فهمانينو منيح ...بس قال ما فهمو ليش بدو البني ادم يترك بصمة

و اخر شي بيجي ديدات مشان يوزع نصايحو علينا

نصيحتي:
لا تضيع وقتك في التبصيم ما دام أن الإلحاد هو سيد الموقف في نظرك..

بس ياريت كفى النصيحة...... ليك ديدات ...انا كتير بحب اسمع نصيحتك...و مارح ضيع وقتي بالتبصيم ...بس ياريت تقلي بشو لازم ضيعو ؟؟ ...... شو رأيك صير كل يوم صلي شي خمس ست مرات ....مشان ينيسط دخيل اسمو.....لأنو قال ما بروق و بينبسط الا اذا العالم كانت عم تذكرو.... ( بتحس كأنو شخصيتو مهزوزة )

ما بعرف ...نصحني اخي نصحني....دخيل ربك شو نصوح ..و فهمان