[أم الجود]

كاتب النص الأصلي : sweetbaby

يسعدلي صباحك ام الجود

و صباحك سويت !

كاتب النص الأصلي : Reemi

عيني إم الجود هالموضوع أخد حقو من النقاش وبرجع بقلك اكيد انتي مو ناطرة حدا يقلك انو هالنوع من المواضيع ممنوع

معنى كلامك إني بعرف انو هالمواضيع ممنوعة و مع هيك نزلتها ... لأ هالحكي مو صحيح ..!

كاتب النص الأصلي : Reemi

فالفكرة واضحة وماننا مختلفين عليها اما بخصوص المخالفة فانتي شفتي اكتر من حالة لمواضيع من نفس النوع انحزفو واتخالفو الاعضاء يلي نزلوهون

مو مختلفين عالمخالفة في حال كان الداعي الها معلوم و مع هيك المخالفة تمّت :

كاتب النص الأصلي : أم الجود

لو إني من بعد التبليغ نزّلت مواضيع جديدة مخالفة فهون باكل المخالفة من تم ساكت و بضرب للمشرف تحية و سلام ...

كاتب النص الأصلي : Reemi

طيب سؤال تاني يعني انتي برأيك اذا اجا عضو وحط صور جنسية بكرا كمان لازم نراسلو ونقلو انت خالفت الضوابط؟؟

عم تعتبري هي متل هي ؟؟ لهالدرجة طلعت أنا منحلّة و ما عندي خبر ؟!!!

كاتب النص الأصلي : sweetbaby

لما زاد هالنوع من هالمواضيع انجبرنا نحزف ونخالف الاعضاء بدون مراسلتون باعتبار مخالفتون واضحة لقيم اي منتدى محترم مو بس اخوية

والله بعرف انو المنتدى محترم .. و أنا كمان ماني بنت شوارع ..!

كاتب النص الأصلي : sweetbaby

وبعدين لما بيصير عدد المواضيع المحذوفة كتير بيصعب مراسلة الاعضاء

من دون ما تعتبري كلامي تدّخل بشغلك كمشرفة .. أكيد مو كلما مشرف حذف رد بدو يرجع للعضو يراسلو و ياخد رأيو .. بس أنا صرت منزلة أكتر من موضوع و ما حدا من المشرفين نبهني انو هالشي ممنوع .. و بفرد مرّة طبت علي المخالفة (و هي متل ما قالت بترفلاي أقوى مخالفة) .. طيب لو انك حاطة التبليغ تبع امبارح من شهرين (يعني من لما بلشت هالنوعية من المواضيع تكتر) مو كنتي وفّرتي على حالك نص الشغل اللي اشتغلتيه قبل شوي من حذف مواضيع و مخالفات للأعضاء بالجملة ؟؟!

كاتب النص الأصلي : sweetbaby

وللعلم هالاجراء اتاخذ من شهرين لليوم بحق اي حدا نزل هالنوعية من المواضيع من قبلي ومن قبل غيري من الاداريين

كاتب النص الأصلي : Reemi

ولعلمك انا بالشهر الماضي وغيري من المشرفين خالفنا اكتر من عضو على هالنوع من النكت والكل عرفو بهالشي

مين يعني الكل ؟ أنا عرفت انو هالمواضيع بتستدعي الحذف و المخالفة من التبليغ اللي نزلتو سويت بيبي امبارح بالليل لأنه متل ما سبق و قلت ما في بالقسم ضوابط مشاركة ... أما عن حذف المشرفين لهالنوع من المواضيع فهو كمان صار مبارح بالليل (بدليل انو موضوعي اللي اتخالفت عليه ضل أكتر من 4 أيام بالقسم و صار فيه وراه 61 رد) و مخالفات الأعضاء اللي ضايفين هالمواضيع فكمان ما عندي علم فيها بنوب أولاً لأنه متل ما الكل بيعرف المخالفات سرية و تانياً لأني ما صدف و حكيت عالخاص مع ولا واحد من هالأعضاء ...

كاتب النص الأصلي : Reemi

واكيد عضو متلك عندو مواضيع تانية واهتمامات تانية مو كتير مستقتل انو لاء بدي حط نكت جريئة

تسخيف للحوار و لشخصي أنا انك تضلي شايفة هدفي من ورا السؤال هو إصراري على إضافة هالنوع من المواضيع ...
برجع و بقول : أنا ما عم ناقش لأني مستقتلة على حط النكت الجريئة .. و إلا كنتي شفتيني عم ناقش بحذف المواضيع مو بالمخالفة ..

كاتب النص الأصلي : Reemi

وهلا

مية هلا

كاتب النص الأصلي : sweetbaby

واذا اكتفيتي بتوضيحي وتوضيح ريم ياريت تسكري الموضوع

حاضر ... و هي إغلاق !