وسقط مشروع الفتنة
بما إنو نحنا بدولة مؤسسات وشفافية من الدرجة الأولى فهاد الكلام بيعني إنو إجاه تلفون للأبرش إنو الحكومة تراجعت عن مشروع القانون وسكر على القصة انت بمعرفتك بمجلس الشعب
على أمل هالوقفة الشعبية بوجه هالقانون تذكر الحكومة إنو عندها شعب بيعرف بيقول لاء متل مابيقول إي... وعلى أمل هالتحرك يكون مقدمة لتحركات تانية من الشعب ليقولو لاء لكل قرار حكومي بيضر بمصالح المواطن أو بيهضم حق من حقوقه...
تحية لكل من أسقط مشروع الفتنة المسمى بمشروع قانون الأحوال الشحصية... تحية لكل مواطن أو جمعية أو منظمة حقوقية أو أهلية... تحية لك شب وصبية كتبو كلمة بمدونة أو بموقع أو بجريدة وأسهمو بتراجع الحكومة عن المضي بهالمشروع التافه... تحية لكل من أثبت أن الشعب السوري شعب حي برغم كل محاولتون لتحويلو لتابع لا يعرف الإعتراض أوالتفكير.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!
|