[saman]

كاتب النص الأصلي : ayhamm26

أخي شلون بدو يطعن بالانتخابات بشكل قانوني اذا السلطة التنفيذية كلها ,واللي هي من المفروض تكون محايدة, منحازة بالكامل لصالح منافسو

الخامنئي نفسو اعتبر انتصار نجاد انتصار للاسلام, يعني واضح انو كان في ارادة بانجاح نجاد غصب عن الكل

بالنسبة للخامنئي .. الخامنئي مؤيد نجاد وافكاور بتتطابق معو اكتر من الباقي متل ما قال ... بس هوي ما فرض شي عالشعب .. يعني ما اصدر فتوى مثلاً انو لازم تصوت لـ نجاد ... !
لأنو قد ما كان .. هوي صحيح ولي فقيه ويعتبر مرجع .. بس ما فيه يفرض نجاد على اتباعو او الايرانين .. شو ما كان .. وهوي ما عمل هيك ! هوي اعلن تأييدو الو .. بس لا الغى الاشخاص الباقيين وولا شي !
حتى وقت كان عم يخطب .. بلش يمدح بالمرشحين التلاتة غير نجاد ... وقال انو كل واحد كان الو دور بالثورة وبالنظام .. وهني ابداً مو خارجين عن النظام الاسلامي ... وبنفس الوقت اكل بهدلة نجاد لأنو حكى على رفسنجاني ولأنو نشر عرض الحكومات السابقة !

للصراحة ما طبيعي كيف شعلت الامور بطهران
ما رح ندخل بقانونية او عدم قانونية النتائج
بس هالمعمعة يلي انفجرت بهالشكل مو معقول تكون عفوية وهيك بس بعد ما طلعت النتائج نزلت العالم لحالها ع الشارع
في شي مو طبيعي ....
بعدين تصريحات الموسوي مو تصريحات انسان وطني ولا معارض حقيقي .. كلها من النوع الهجومي الكبير
يبدو انو نقبل بشي اسمو خسارة شغلة مستحيلة بعالمنا
لا رح تكون اول الانتخابات يلي رح يصير فيها تزوير ( ممكن و غير ممكن الاحتمالين واردين )
بس هيك هجوم وهيك توسع ....... بيخليني قول انو اتهامات الحكومة الايرانية فيها شي من الصحة ...
وحتى لو نص الاصوات مزورة بيضل نجاد هوي الفائز ...كان بودي قول للاسف بس بعد هالتطورات بطهران ما عاد خلتني اعرف اذا المعارضة الايرانية ( قصدي الاصلاحيين والموسوي بشكل خاص ) كانت افضل منو ولا لا

طبعاً ما طبيعي !
غري بالاهتمام لهالدرجة الكبيرة بالانتخابات الايرانية وخصيصاص من وسائل الاعلام والمواقع الالكترونية .. وبرأيي وسائل الاعلام هيي يلي اججت الوضع وبهرتو وكبرتو اكتر بكتييير !
وواضح كمان انو في تدخل اوروبي وخصيصاً بريطانيا .. وما عم احكي على نظريات مؤامرة .. بس هادا الواقع !
والمشكلة كمان انو كل الشي يلي عم بيصير عم يندق براس الشعب ... مثلاً التظاهرات السمية يلي صارت بطهران .. الشرطة ما كانت رح توقفها وتقتل عالم ازا ما كان بعض المتظاهرين أثاروا شغب واعمال عنف .... هي ازا ما كانو هالبعض المتظاهرين يلي عملوا هيك ..شوية مندسين ليأججوا الوضع اكتر ! وبالأخير بياكلها الشعب !