[sweet angle]

اتنين مصريين سمعهم تقيل جدا واقفين على محطه الاتوبيس ودار بينهم الحوار التالى:

الاول: الاتوبيس ده بيروح مصر الجديده؟

الثانى:على الحديده!! ليه انت طالب احسان؟

الاول: بذره الكتان!! دى تلاقيها عند العطار

الثانى: جزار!!! اه قوللى كده ...... عايز تشترى لحمه

الاول: معك حق.. الدنيا زحمه.......علشان ده ميعاد خروج الموظفيين

الثانى:نور الدين!! لا والله معرفهوش

الاول:مابتشربهوش!!ليه.. كفا الله شر

الثانى : راس البر!! ده مصيف هادى

الاول: عايز تركب للمعادى....... دى منطقه جميله

التانى: بليله.... انت شكلك جعان

الاول : عيان!! اه والله انت باين عليك عيان... طيب متروح للدكتور

الثانى: الحنطور!!!! ده احسن من الاتوبيس وبيوصلنى لحد الباب

الاول: هباب!!!! وانا اللى فاكرك محترم

الثانى:اتخرم!!! هو مين؟؟؟ هههههههه

الاول: عاوز اسبرين! ليه انت عندك صداع؟؟

الثانى: قراع ! ينهار اسود. ده مرض خطير

الاول: فطير!! لا والله مش عايز. وبعدين مش بحب الفطير. تقيل على المعده وتمنه غالى

الاول: خالى!! انت تعرف خالى؟ ده راجل كبير فى السن

الثانى: الجن!! نهارك مش فايت.. انت عليك عفريت؟؟

الاول: لا والله .ممعاييش.. انت عايز الكبريت ليه؟ عايز تولع؟

الثانى:ادلع!! ادلع عليك انت!؟ انت متملاش عنيا

الاول: يقبضوا عليا!! ليه ؟؟؟؟؟

الثانى: انت غريب يا راجل انت شكلك شحات(يدفعه من القميص) روح اشتغل شغله تاكل منها عيش

الاول: خيش!!!! والله ده صوف انجليزى

التانى: بنتك زيزى!!!! ربنا يخلى

الاول: انتاج محلى!!!!!!! ده مستورد؟

كان فى ظابط ماشي شافهم وهما بيتكلمه فقالهم

الظابط: بتعمل ايه يا جدع منك له؟؟؟؟؟؟

الاتنين: ايوه يا ظابط.. احنا مستنيين الاوتبيس

الظابط: جواسيس!!!!!!!! نهاركم اسود. قدامى على القسم

بس خلاص

يارب موضوعى يكون عاجمبكم