[Abu ToNi]

كاتب النص الأصلي : personita

جاي عبالي أبكي مو أبتسم! أحيانا بحس انو في كتير قواسم مشتركة بين بلدان العالم العربي، تقريبا كل اللي حكيت عنو موجود والحمد لله عنا (ما حدا أحسن من حدا )، أكثر من مرة حسيت بالخجل من تعليقات أجانب كانوا رايحين زيارة أو سياحة على المغرب وكانت انطباعاتهم جد سيئة عن الناس ومستائين من تعاملهم. ومرة صاير معي موقف حسيت فيه بخوف وخجل في نفس الوقت، لما حاولت أساعد اتنين سياح إيطاليين، كانوا لسة واصلين المغرب، وكل الشوفيرية حوالينهم كأنهم فريسة، ولما حاولت أتدخل مشان بس أشرحلهم كيف ممكن يروحو على المكان اللي بدهم اياه، من غير ما يبتزوهم، شوي كانو بدهم يضربوني، قال بضيع عليهم الرزقة، ويخرب بيت هيك ناس اللي عايشين برة بيفكرو حالهم انو صايرين "نصارى" (بالمغربي بتعني أجنبي)! وبالنهاية ما قدرت أعمل شي مشانهم، يعني الحمد لله أني ما أكلت قتلة !
هذا هو المضحك المبكي!
لعيونك أبو طوني

يمكن كان لازم يكون العنوان ( ابتسم فأنت في بلاد عربية )
لأن الشرق الأوسط عن الشمال الافريقي ما عم يفرقوا شي خصوصا بأن ثقافة العروبة والتقاليد العربية هية السائدة حاليا بالمنطقتين
ياهلا فيكِ