بدي احكي كتير نقاط
امبارح بالسيارة قلتلو بدي احكي نقاط سلبية  فصار يضحك ويقلي انو كل نقاطو السلبية بيشوفن حلوين
عبد ثقتو بحالو كتير حلوة ، واللي ما بيعرفوه بأخوية انو عبد طيب كتير كتير وحنون وما بيلقى دمعتين
عبد الصديق هو شخص فيك تعتمد عليه للموت
أنا إذا احتجت حدا ، قبل ما فكر بجوز اختي وبعمي .. بكون اتصلت فورا ً بعبد
بس يحب حدا يا نيالو ، وبس ما يحب حدا الله يعينو
بيحكي كلمتو بصدق مبالغ فيه وبلا تجميل بنوب ، لهيك أنا بقدر اثق فيه .. كتير بحس انو عبد بيقول لو شغلة ما عاجبتو بوشي وما مضطر بنوب ينافق ويجامل ..
لسانو زفر .. أي كتير ، وفاجر أي كتير .. وبيوعد عشرة بنفس الوقت وبيكذب علين إي كمان
بس انضج من عمرو .. وكفو وجدع وأهل للثقة .
ومن السهل استفزازو وجرو ع خناقة كتير ببساطة
شغلة ما حلوة فيه انو بيخبي مشاعرو المنيحة جدا ً جدا ً .. بيحب يبين " لوح "
الله يخليلي ياك
|