[butterfly]

هلق بلا طول سيرة .. ألي بستعمل الكومبيوتر شي عشر سنين ، أكتر بقليل ..
ولا زلت بحس أنو خبرتي باستعمالو نابعة من التجريب " يعني جرب وامشي .. وإلا ما تزبط " و إن عصلجت معك فأكيد الـ Help بتنفعك ..

بس واحد إلا ما يرجع لنفسو ويتذكر هيك ويقول ، أنو بعشر سنين استعمال مو كان لازم يعني افهملو لهالاختراع أكتر شوي ، وبعد تقريع الضمير وعض الأصابع من الندم
بتتذكر كمان مرة انو تضييع الوقت بالندم ما رح يفيد شي ، وصار وقربت تخلص جامعاتك ودراساتك ، فبلكي بتبدا بتتعرف ع هالاختراع اللي عم تقضي عليه كتير من وقتك

وعليه قررت أني اتعلم عنو ( خاصة بعد التخبيص الأخير اللي خبصتو بمدونتي )
هلق ... بعد هالخلاصة المهمة ، والقرار المصيري ..
جينا من وين بدنا نبلش ما كنا نعرف
فأنو سجل دورات ؟ مستحيل " يعني انا الالتزام اليومي بموعد محدد بشي ، مانو من ضمن الاشيا اللي بعرف أعملن " ،
الشغلة اللي ممكن تنفعني هون " هي الكتب " ،
بس ما بقدر أشتري كتب " أو حمل كتب " ، وأنا ما بعرف من وين ابدا
يعني مانا سلق إندومي الشغلة .. هادا كومبيوتر هاد

اي هاتو لنشوف .. اقترحولي شي كتاب ابدا فيه .. اصلح علاقتي بكومبيوتري ..
وشكرا ً