اقتباس:
كاتب النص الأصلي : VivaSyria
صديقي المشكلة بالجهاز يلي بياخد تنين سيم كارد هي مشكلة أمنيه بحتة لأنو برج الجي إس إم أو الـ 3 جي بيصير غير قادر على تحديد منطقة 10 متر أو يلي اسمها الايكزاكت زون لإشرحلك كيف:
الجهاز العادي ويلي بيحتوي سيم كارد بيكون على تواصل مع البرج بشكل دائم وبيعطيه احداثيات مكان وجود هالجهاز بتطابق بين الخط "السيم كارد" والجهاز... أما يلي بيصير مع جهاز الخطين انو بيصير الجهاز قادر بس على اعطاء احداثيات البرج الموجود ضمن تغطيتو هالخطين دون تفاصيل الايكزاكت زون لعدة أسباب تقنية وتضارب مع الشبكات يلي مابتعرف شي اسمو اشارتين ارسال من يونيت وحدة... وبتخلي هالجهاز هاد فعلياً " أن تريسيبيل" وغير ممكن تتبعو بدقة...
وبهالحالة هي اذا في حدا مطلوب للأجهزة الامنية وكانو مراقبين خطو ماعد يقدرو يعرفو وينو تحديداً وانما اكتر شي بيقدرو يعرفوه المنطقة يلي هو موجود فيها... وللحقيقة والضمير فـ سوريا مو أول دولة بتمنع أجهزة الخطين لنفس السبب وهو نفس السبب يلي بيمنع شركات الموبايل الكبيرة من تصنيع جهاز بياخد خطين وانما بيقتصر تصنيعها على ورشات صغيرة بالصين وبكوريا...
حاولت وضحلك بدون مانفوت كتير بتفاصيل تقنية بس اذا عندك رغبة تعرف تفاصيل تقنية أكتر بساعدك بشوية مواقع وهيك...
تحياتي.
|
انا ضمنيا توقعت هيك شي بس برأيي اللي ناوي يستخدم هالتقنية لأغراض غير امنية رح يلجأ لتهريب لهيك لو ما منع بس عملو على الاقتناء شوية تشديد متل اي واحد بدو يمتلك الجهاز يقدم هويتو ويسجل بياناتو بتخيل بكون احسن
*هنا يرقد جبر من بطن امو للقبر
*بحب اللي بحبو المنسف
|