[رايح عاليسار شوي]

يقول زياد عاصي الرحباني:
((اذا شخص ما بدك تسمع شو عم يحكي ......ما في داعي تقلو لا تحكي.....يعني مو حلوة منك.....لأ بالعكس قلو احكي خيي وأنا سامعك.....وانتا بهالأثناء ما تسمعلو......اي لكن شو......بدك تقلو ما تحكي؟؟؟
خيي: مين بدك ؟؟أحسن ناس بيعملو هيك.....الأميركان خيي في أحسن من الأميركان؟؟؟اي الأميركان بيعملوا هيك......وجرب اذا بدك.....روح خيي استأجر ساعة ع أي محطة بدك ياها....أحسن محطة وطلاع وسب ولعان واحكي اللي بدك ياه....شو بدك انتا سبو لريغن مثلا......واسبي حريمو ....وقول كل شي بيخطر ببالك....ومو ساعة اذا بدك.....لحتى تسكر المحطة.....وصدقني ما حدا بيحكي معك.....لأن مين قلك انو ريغن اذا عم يتفرج عليك بيكون سامعك؟؟؟بيقعد بيضحك وبيتسلى وانتا مفكرو عم يسمعك.....
اي هيك.......هاذا آخر ما اكتشفه الأميركان......هيك الحرية .......انو شوف الأميركان بيقعدو بيقلولك ليك هالقمع اللي عند الروس وما بيخلو حدا يعبر عن رأيو......بس بنفس الوقت روسيا دولة كبيرة وفيها مخوخ كمان.....وكمان هني بيكونوا قايلين للعالم ....اتفرجوا بس لا تسمعوا شو عم يحكوا.......لكن كيف مفكر انتا؟؟؟؟
هيك بتكون الحرية.......))