[sona78]

يا فادي في خربطة بالعنوان .. انا لا بشوف ايران عملت لا خيانة ولا كذب ....... اذا كانت قادرة تمحي اسرائيل عن وجه الارض ب11 يوم ... فاسرائيل قادرة تمحيها بالنووي فورا .. بااعتبار انو النووي هيك وهيك جاهز مجهز وتحت الرعاية عندها...... هيك تصريح لما بينحكا ما منقدر نعتبرو لا كذب ولا خيانه بالنسبة للمواقف ... وانما دعاية وضجة اعلامية وتخويف .. وانا متاكدة انها قدرت تحقق هالشي .....

بالنسة لشغلة المصالح ... من المعروف لا في صديق دائم ولا عدو دائم بالسياسة ..... وع المدى القريب واضح انو المصالح بين الايرانيين والسوريين واللبنانيين وحركة حماس كجزء من الفلسطينين مهمة للطرفين .. هلق ايمتى رح ينفك هيك ارتباط بتوقع بكير عليه ... ووقتها بيعود هالامر للاطراف التانية مو ايران .. يعني شو ممكن تعمل سورية .. وعبرها حزب الله وحماس هيدا بيتعلق بالسياسة العامة بين هالاطراف والبتحالفات القادمة ووضع العراق لانو ما رح نقدر نفصل المنطقة عن بعضها ..... وانا ما بنكر انو ممكن كتير يصير تدخل مباشر نتيجة فرق القوة العسكرية والسياسية على المستوى الاقليمي بين هالاطراف

اما يلي فهمان انو ايران جميعية خيرية فهيدي مشكلتو .. وبرايي يلي عندو هيك تصور هوي يلي رح يتهمها بالكذب والخيانة .. لانو بالاساس صدق بالحرف كلشي عم تقولو بدل ما يقدر يقرا شو الهدف وشو التبعيات القادمة لكل تصريح او فعل بتقوم فيه ..
يعني انا ما بقدر انكر ابدا اني داعمة لايران حاليا لانو سياسيتها بما يتعلق بدعم المقاومة بمحيطنا الها تاثير ايجابي ويمكن ما في غيرها .... وسورية دورها محصور بتامين التواصل بينها وبن الحركات المقاومة .. بس هاد لا يعني اني مؤيدة للتدخل الزائد .... بالعكس عندي كتير تخوف من هالناحية
فيعني مختصر مفيد : ما بشوفها لا كذابة ولا خداعة ... وانما ذكية بتحقيق مصالحها وبتتبع الطرق كلها سواء شرعية او غير شرعية .. وحاليا هي هيي السياسة ع المستوى العالمي ... ما حدا معتبر حالو جمعية خيرية ... وكلمة انا اولا بيقولها كل الاقوياء .. والتبعية جاية ع الدول يلي بس بتصرح من ما تعمل شي .. وما اكثرهم

بالنسبة للضغط العالمي يلي ذكرتو كان القصد فيه سوريا مو ايران .. يعني ايران كانت داعمة لسورية بفترة العزلة الدولية يلي عاشتها .. كان في خطا بالتعبير من جهتي