اقتباس:
كاتب النص الأصلي : nour333
انا رح قلك مشكلتنا انو يا بنكون متفقين 100% يا بنكون مختلفين مع انو خير الامور الوسط
رح قلك بصراحه وجهة نظري بمذبحة الارمن وهاد برجوعي لكتير مصادر
|
خير الأمور الوسط .. هي بتنقال ضمن افكار اجتماعية وعادات يتم ممارستا .. ما بتنقال ضمن مجال حقائق تاريخية ونقاط محورية بجسد القوميات والمجتمعات !!
فالرجاء معرفة الفرق بين اتباع منهجية حياة متوازنة بتشمل على كافة النواحي او ما يدعى " الوسط " وبين الاحداث التاريخية الما بتحمل المساومة .
للأسف المصدرين اللي انتي مأدرجتين واللي يعتبروا مصادر ( موثوقة ) بالنسبة الك بيحملوا من المغالطات ما يفوق المنطق ..اخطر انواع الكذب لمن بكون في جزء منه الكذبة حقيقة .. بصير التفريق بين الحقيقة والكذب ضرب من المستحيل .. وهاد الصاير بالنسبة للمقالين اللي انت مأدرجيتن .
على فكرة ... المرجع التركي العائد إلى شخصية تركية واصل للويكيبيديا ومأدرج المقال تبعه ضمن صفحاتها .. وبعد مجموعة اعتراضات كبيرة على المقال تم وضع جزء من المقال ضمن خانة ( معلومات قد تكون مغلطة ) وفينك هلق تروحي على الويكيبيديا وتشوفي التحذير من امكانية وجود اخطاء تاريخية في المقال .
اقتباس:
اكيد كان في ضحايا ارمن بنقف إجلالا لذكراهم وهدول كتير منن نساء واطفال وحتى بشكل عام مدنيين بس يا حزرك هدول ضحية مين؟
ازا قلنا انن ضحية الاتراك بنكون بنغطي الشمس بغربال اللي ماتو من الارمن في جهات كتيره مسؤوله عن دمن واولهم ابناء جنسهم اللي قادهم طمعهم الاهوج الى جلب الكارثه لهم وبعدين الاتراك اللي ما فرقو بين الجاني والبريء وحملو كل الارمن تبعية الخونه وتالت شي الدول الاوروبيه العظمى في هداك الوقت روسيا وفرنسا والمانيا وبريطانيا اللي سمحت بدبحهم لمجرد انن اقلية وما بيعنولها شي
|
عظيم كتير انك غيرتي من قناعاتك بأقل من 3 صفحات من اعتبار المجزرة ( لعي فاضي ) للوقوف اجلالا لذكراهم .. بحييكي على ليونتك بالتعامل .
ايا شمس وايا غربال عما تحكي عنن !!!!!!!!!!!!!!!
الأرمن كانوا موضع شك من القيادة العثمانية نتيجة دخول روسيا إلى الأراضي العثمانية من المنطقة الشرقية ذات الأغلبية الأرمنية .. موضع شك يا مخلوقة موضع شك .. يفترض ما كون بحاجة لحتى خبرك على همجية الامبرطورية العثمانية وعلى تصرفات القادة العثمانيين التعسفية والسادية بحق الشعب ... يفترض يكون عندك دراية تامة على الأفعال المدرجة تحت اسم القيادة العثمانية .. واللي بالمناسبة ما بيعتبرها الاتراك نقطة سودا بتاريخن .. لا بل بيعتبروها من أيام المجد الغابر .
انصياع الأرمن للرغبة العثمانية بالترحيل عن بيوتن واراضين كان خير دليل على عدم وجود ايا نية ارمنية بالثورة ضد الامبرطورية العثمانية .. لأن الترحيل كان مع بدء سيطرة روسيا على المناطق الشرقية .. فلو كان في تواطئ وخيانة ارمنية روسية لكان بقاء الأرمن في مناطقن اللي تم تحريرا من ايدي العثمانية اسهل من الهروب من المناطق الروسية نحو المناطق العثمانية ..
العثمانيين ما كانت بالنسبة الن قضية تخوين قد ما هية قضية تطهير عرقي .
ولنفرض جدلا بأن الأرمن حملوا سلاح بوج العثمانية ..
فهاد بيعني انن خونة ؟ ما بالأصل ارضن العايشين فيها مش ارض عثمانية .. ارض تم احتلالها من قبل الامبرطورية .. فعلى ايا خيانة عما تحكي انت ؟؟!؟!؟!
الدفاع عن الاراضي المحتلة صار اسمه خيانة للمحتل ؟!؟
اذا هيك فالشعب الفلسطيني حاليا اكبر خائن للدولة الصهيونية !!
تحليلك مطابق تماما لدرجة ملفتة للنظر للمقالات اللي قريناها بحرب غزة الأخيرة واللي تم فيها تخوين حركة حماس وتحميلها ذنب الدماء الفلسطينية على مبدأ " لو ما حمل الحمساوي السلاح لما صار حرب على غزة "
من امتى كانت الحركات المقاومة للمحتل خيانة ومدري شو !!
هاد الحكي اذا فرضنا جدلا بأن الاتراك قتلوا الأرمن نتيجة حملن السلاح .. مع العلم بأن التاريخ بشكك بهلنقطة بالذات وبرجح كفة الميزان للرأي اللي بقول ان الارمن ما حملوا يوما السلاح .. لا بوج العثماني ولا حتى بصفوفه ( في ظل الأمبرطورية العثمانية كان الانسان الأرمني معفى من الالتحاق بالمناطق العسكرية .. عم قلك هلحكي قبل ما تبدي بخلق نظريات تخوين جديدة حول الأرمن )
اقتباس:
|
هلا يا حزرك لو بدها تنفتح ملفات المدبحة الاتحاد الاوروبي رح يحس انو رح يشعر بالحرج إزاء مواقفو المخرية لهيك يا بنحاسب الكل يا بنسامح الكل
|
الدول الأوروبية !!
عما تحملي ذنب التطهير العرقي والمجزرة الأرمنية للدول الأوروبية !!
يا مخلوقة عم نحكي على فترة حرب عالمية .. حرب عالمية
بتعرفي شو كانت الأوضاع بالحرب العالمية ؟ فينك تقري بعض الكتب لتقدري تتصوري شو كانت اوضاع الحرب من قتل وتدمير .. روسيا كانت في حالة حرب مع تركيا .. ومع هلشي عملية القتل ما كانت على ايدي الاعداء الروس .. كانت على ايدي ( الأصدقاء ) الأتراك .. ومنجي منحمل روسيا ذنب المجزرة !!
عجبي من طريقة تحليلك للتاريخ !!
هامش صغير : عفوا منك .. بس بالمنبر ما منستعمل كلمات متل " مخرية " في فرق بين المنبر وبين السقيفة
اقتباس:
آخر شي المذبحه اليهوديه اللي مبالغ فيها كتير لو فرضا حصلت وراح ضحيتها ناس ابرياء هالشي انا بعتبرو جريمه وحتى لو بينا عداوة مع اليهود ما لازم نرضى انن ينذبحو من دون سبب او ذنب
|
شككوا يا عم شككوا .. خليكن سنجق عرض مع البشرية .. وتموا مستغربين ليش البشرية واقفة بوجكن .. برافو
اقتباس:
|
والله يا ابو طوني نصيحه تشربلك لترين من طاسة الرعبه بفيدوك بالمستقبل
|
وميرسي علسبام