[saman]

كاتب النص الأصلي : saman

نقظة تانية كمان :
انو انا ماني ضد الحجاب ولامعو ... حتى لو كان فريضة دينية ...
بس انو ازا بنتي (بنتي المستقبلية يعني ) اجت لعندي وقالتلي بابا .. بدي اتحجب .. اكيد انا ما رح امنعها .... وبنفس الوقت ما رح افرضو عليها ازا هيي ما بدها !

نقطة تصحيحية (مو حركة انتبهوا) ..
منشان ما حدا يفكرني شخص مثالي لهالدرجة :
انو يا زلمي كتير حسيت حالي مثالي بهالرد ... ومنشان الحلال والحرام والصدق والكزب ... وعدم الاحتيال ع الالفاظ ...
انا ازا تجوزت وضليت بمجتمعي ... (يلي عايش انا فيه حالياً ) .. بتوقع انو انا رح حاول اقنع (مو اجبر) بنتي بالحجاب .. بدون ما هيي تطلب ... هي عم احكي بمجتمعي .. بحارتي (يلي انا فيها حالياً ) كون هالمجتمع صعب يتقبل بنت من الحارة (بالقرعة "على قولتهن ")
فا انو منشان ما كزّب ع حالي او حدا .. ما حبيت هالرد المثالي يلي انا كاتبو اعلاه ...

اذا كان الدين هو مصدر التشريع فـ منكون اخدنا علاقات روحانية خاصة بمجموعة أفراد وعممناها ع مجتمع كامل وهالشي ما بيحقق لا الرضا ولا المساواة للمجموعة البشرية .
الدين كـ منظومة اخلاقية ممكن ان يستفاد منه في التشريع القانوني ولكن لا يجب ان يكون هو المصدر لعدة اسباب رح اذكر بعضها برأيي :

1- عدم ليونة النص الديني وعدم المقدرة على المناقشة فيه وتغييره . والقانون يجب ان يكون دائماً موضع المسائلة والشك لكي يحصل تقدم .
2- وصول رجال الدين الى السلطة سيعطي الحق لأي شخص بالتحكم بكل امور الدولة رغم محدودية امكانياته في المعرفة الدينية فقط .
3- الحد من الحرية . مثل حرية اللباس وحرية الاعتقاد وحرية المعارضة ( خصوصاً انك تقف امام نص ديني فمعارضتك تعني تصادمك مباشرة مع الله )
4- عدم وجود مساواة لأن كل الاديان تصنف الناس الى فئة مؤمنة وفئة كافرة وهالتصنيف بيخلق نوع من التفرقة بالمجتمع .

يعني بالمختصر تطبيق الدين هو تقييد للأفراد و للدول . ووضع قانون ديمقراطي مدني غير ديني سيحمي الدين من المسائلة ويحافظ عليه كوسيلة روحية من جهة . و يعطي الافراد حرية اكبر في الاعتقاد والوجود وسيحقق المساواة للجميع .

انا برأيي .. لو الدين فهم بشكل صح (شو ما كان الدين او الشريعة ) ... او فُسّر بشكل صحيح ...ممكن يكون مصدر للقوانين وممكن يكون نظام متكامل بالمجتمع ... بس هادا الشي مستحيل بوجود هالـ (وحوش ) يلي عم يستخدموا الدين لاغراض شخصية
وبرجع للفكرة يلي زكرها جيمي (حفظه سعدو ) سابقاً :

انا عندي قناعة برفض اتخلى عنها انو مافي دين مو عادل.. خلاف هالشي اما ناتج عن تعصب أو سوء تفسير..

وانا مع هالقناعة مية بالمية وبأيدها ومقتنع فيها كمان ...
وهي وردة لصافو الورد
ووردة لجيمي (قدس سره )
ووردة لناي
ووردة لنور تلت تلاتات