[Nay]

كاتب النص الأصلي : ..Jimy

كاتب النص الأصلي : ..Jimy

ماني متخيل حرس ملكي ماعندو زي موحد..

هوي اللباس الموحد تبعون هوي الزي الشركسي.. وكل الحرس شركس..
وبيلبسو الزي جوا القصر وبراتو بالمراسم التقليدية وحتى بجنازة الملك حسين الله يرحمو كانو اللي حاملين النعش لابسين الزي الشركسي
ناي انا عندي قناعة برفض اتخلى عنها انو مافي دين مو عادل.. خلاف هالشي اما ناتج عن تعصب أو سوء تفسير..

وبالتالي المفترض مايصير تعارض بين قانون وضعي والتشريعات الدينية..

"الناس صنفان اخوك في الدين واخوك في الخلق" (الامام علي)
"دع ما لقيصر لقيصر وما لله لله"(المسيح)

هالعبارتين بظن انهن كافيين انو ما يصير تعارض..

حتى السعدوية كونها مؤمني بميثاق حقوق الانسان فهالشي كافي..

المسألة مو انو عادل او لأ من حيث المبدأ كل الأديان بتحض على نفس المبادئ والأخلاق..
بس اذا بدك تعمل دولة مصدرها التشريعي الاول هوي الدين فهون صرنا بقصة تانية..
وبيصير وقتها رجال الدين هنن اللي رح يحطو القانون مو رجال القانون ..
قانون الاحوال الشخصية والزواج والطلاق وقانون التوريث..
وقانون العقوبات وتطبيق الحد وقطع اليد ورجم الزاني وقتل المرتد..

هدول المسائل مختلف عليهون كتير اللي مو مسلم ما ممكن يقبل انو يتطبق عليه هادا القانون الا مجبراً..
هلأ بس ننجبر.. منهج من البلد .. وخلصت القصة..