اقتباس:
كاتب النص الأصلي : nour333
عزيزي مانك اذكى من الانجليز وقت يكون عندك جراح اديه بلتفو بحرير ومعو شهادات بتعبي الحيط والو مرضى رح تعينو وبشروطو حتى لو بدو يكون لابس طرزان وانا زكرت البكستانيين لأنن اثبتو حالهم بالمجتمع وبنفس الوقت حافظو على هويتهم
آخر شي بدي ازكر بالاردن حرس جلالة الملك الشركس محافظين على لبسن والاردن محترم تراثهم ما دامو عندن كفاءة ليه ما نقول انو مظهرهم بتنافى مع انخراطهم بالمجتمع؟
هلا نقطه لنقاب انا مو مع النقاب في الوظائف الحساسه وبعدين النقاب فضل وليس فريضه
|
بما انو اجت سيرة الشركس بالاردن.. بحب وضح على هامش الموضوع انو الحفاظ على لباسهون مو احترام لتراثهون بس كمان إشارة واضحة كتير انو هدول الجماعة هنن الجماعة اللي بيتكل الملك عليها أمنياً.. ولباسهون الشركسي مقصود تماما..
الشركس استقرو بعمان عام 1870 ولما تأسست المملكة الارنية الهاشمية بتاريخ 20/شباط/1928م كانو الشركس هنن الغالبية العظمى للعاصمة .. وكانو سند مهم كتير للملك بمقابل انو الملك تكفل حمايتهم من المشاكل مع القبائل العربية..
يعني بالنهاية الملكية بالاردن لا ترغب بانخراط الشركس مع المجتمع الاردني بل ممكن ترغب بأنو يتعايشو مع بعض..
يذكر انو الشركس بالاردن مستلمين مناصب مهمة كتير بالمخابرات والجيش..
بحب كمان اذكر انو حكيت هيك وما معجبة بمواقف الشركس بالاردن بس وجب التوضيح
طائر واحد يكفي لكي لا تسقط السماء
فرج بيرقدار
|