اقتباس:
كاتب النص الأصلي : nour333
وبصراحه غلاء العقارات بدمشق غير مبرر يعني انو ليش ؟
فيا ريت حدن سوري يقلنا السبب
|
هلأ في عدة أسباب خلّت العقارات تغلى بسوريا ككل وبشكل خيالي بدمشق طبعاً حسب معرفتي:
1- قدوم العراقيين بعدد هائل لسوريا, وبدون أي تنظيم ومتابعة
2- العراقيين بدهون بيوت يسكنو فيها, وبالتالي لازم يشترو بيوت أو يستأجرو, ببداية الحرب عالعراق كان مسموح للعراقي بالتملك يعني يتملك بيت أو خلافو, عنا 90 % من التجار والملّاك طماعين كتير وبدهن يطلعو السلّم عشر درجات عشر درجات نطوطة يعني لئوها فرصة زلمة محروق بدو بيت يسكن فيه بأي شكل من الأشكال صارو يرفعو الأسعار وياخدو الّي بدهون ياه من المستأجر أو الشاري
يعني بالمحصلة الغلط الأكبر من تجارنا تجار العقارات
3- الي معو قرشين صار يشتري فيهن بيت ويأجرو لأنو صار المردود أحسن من أي شغلة تانية وبدل ماهو مجمد المصاري بالبنك أو تحت البلاطة فلاء بيشتري فيهون بيت وأجارو بيكفي ويزيد طبعاً حسب المنطقة
4- بظن وزارة الإسكان عنا بالبلد هية مسؤولة عن البيوت وخلافه حسب معلوماتي وغلطهن انهم ما حاولوا يحطو حد للأسعار بالسوق أو لطريقة التملك ومين عم يتملّك ومين عم يستأجر
أعطيكي مثال في بيت عنا بالبناية إذا بتشنقي صاحبو ما ببيعو ليش لأنو مأجرو ب 600 ألف(10 تالاف دينار تقريبا) بالسنة وطبعاً كل سنة بتزيد الاجرة 100 ألف....
بالأردن مثلا ارتفعت أسعار العقارات بس مو للإرتفاع الي صار بالشام....
الحكي بيتلخص بكلمتين طمع التجار + سوء تنظيم دخول وإقامة الغريب بالبلد
أنا الدمَشقي لو جرحت جسدي .... لسال منه عناقيد وتفاح