[طوروس]

هون التقينا

أول لقا

هون التقينا من سني

كنت ناطر حد هالصخرا

وكنت تملي

وشو صار؟

عزتني الدني

وبمعابد التذكار عم صلي

وع جوانح الذكرى

رفت ألف حسرا

وبموكب الحلم الهني

هون التقينا من سني

* * *

يا مرحبا

وشعلت خدودك بالحيا

بحسد أنا هاك الأنا

اللي عاش لحظات الهنا

وقلتي: إنت بتحبني؟

كلك ذكا

وهيدا تجاهل أذكيا

وت يسمع الصفصاف

شو قلنا انحنى

ولليوم بعدو منحني

هون التقينا من سني

* * *

قالت : بحبك!

يا طيور تنهدي

ويا نهر خبي سرار

ويا صخورنا البيضا

لحبات الندي

لا تهمسي

هيدا الندي ثرثار

وبخاف شي دمعة ندي

عن ولدني

تحكي لزهرة مدلعني

وتتهامس شفاف الدني

هون التقينا من سني


يسعد صباحك ياشام