صلاة الصباح :
يا ترى شفت قدسيا
ونسيت قلبك عباب السرفيس
يا ترى فلست شي مرة
وصرت من الفقر .. قديس
يا ترى طليت من شباك
فايق عجبال لبنان
بعد الفنجان الألف
لقيت الحلو نعسان
يا ترى شفت جمعة عزا
جمعة عزا والميت نهر !
بالشام نحنا جمعة عزا
جمعة عزا والميت نهر
نشيع الهوا بورق الحبق
نشيع الحزن بكاسة عرق
نشيع الضجر بشدة ورق
نحنا ...
ونحنا .. نحنا الحبق
ونحنا .. نحن العرق
نحن الورق ..
ونحنا كلشي جاية من المطر
كلشي فيه بخور انحرق
يا ترى شفت قدسية
ونسيت قلبك عباب السرفيس
يا ترى فلست شي مرة
وصرت من الفقر
قديس ..
رايحة تزور
كوخ مسحور
|