اقتباس:
كاتب النص الأصلي : satoman
ما اصعب من هالاحتمالات غير الصوره ذاتها
غابي شكلو الاحتمال التاني
ركز معي على فئة ال 10 ل س من وين بتجيب هالتعابير
|
صعبة بشرفي صعبة .. يلعن اخت الفقر شو بذل
هاموش : مكتر بصغري من متابعة حكايات عالمية لهيك تعابيري بتحسا خلبية
لاقيتا بطريقي وانا رايح على دورتي الانكليزي
في مسلسل امريكي اسمه 30 days بيتناول نفس فكرتك ..
انه الواحد يجرب يعيش بطريقة متخفية نمط حياة غريب عنه ليقدر يفهم شو عما يمر الشخص اللي عايش حياته بالمنط هاد
شخصيا ما بعتقد اني بمتلك القدرة لعيش وفق هاد النمط
اقتباس:
كاتب النص الأصلي : The morning
معلش اطلع عن الاحتمالات المعروضه ؟؟
ذكرتني هي الصـوره بقصـّه بائعه الكـبريت وقت بتضلها تشتعل كبـريت و تدفى فـيه و تشـوف فيـه الـقصور و موائد الأكل و الدفا و الراحه ..
و أنـا هالـصوره بـشوفها نفـس الـشي و بعتقد الحـوار الـصوتي اللي داير بين هالـصبيين هو الـصمت أمـّا الحوار بين عيـونهم فـهوّ الأمل و الحلم.. و الرابـط القوي من صـداقه أو قرابه اللي بيجمعـهم يـجعل من كلّ الأمور ذات مـوسيـقى أدفأ ..
كلّ الاحتمالات اللي ذكرتها انت ممـكن تـكون حـقيقه و احتـمالي ممـكن يـكون حـقيقه كـمان  ..
|
اي طبعا معلش .. بكل الأحوال الاحتمالات هي فرضيات لا اكتر ولا اقل ، هدفا ان الشخص يفكر بالصورة اللي عما يشوفا لا اكتر ولا اقل
بائعة الكبريت كان عندا شي حلو عما تلتقي فيه بضو الكبريت اللي عما تشعله .. الشي اللي خلاها بالنهاية تحرق كل الكبريت اللي بقي بإيدها على امل يتحول الحلم اللي عما تشوفه وقت اشتعال الكبريت لحقيقة .. ومع هلشي ما زبطت معها .. فكيف بدا تزبط مع مشردين ما بيحملوا الأمل .. في أمل بمستقبل هلأطفال ؟
اقتباس:
كاتب النص الأصلي : nour333
بحس الاطفال المشردين دايما بهتمو بعد القطع النقدية اللي معهم
بس ناقشو موضوع اطفال الشوارع مشكلتهم مو مادية في منهم بيكسب منيح المشكله بالمأوى يعني بيت صغير ودافي ام تتفقد ابنها متغطي منيح او ازا طلع برا لابس منيح اكلت جعان....................
|
الحاجة للمأوى وللمسكن وللعناية اشياء ضرورية كتير.. بس بالأول والاخير خلينا نكون واقعيين .. مشكلتن مادية بحتة .. لو كان مع اهالي الولد هاد مصاري ما كانوا اضطروا يشلفوا بلا شي برجله بهلشوارع حتى يحصل اللي بده يحصله ويرجعلن بالشي اللي قدره يأمنه للعائلة
من فترة صار شكوك كبيرة بوجود شبكات من المشردين بيعملوا بطريقة موجهة بعيدا عن الحاجة بقدر قربن من " المهنة " يعني في اشخاص كبار عما يتحكوا بهلأطفال ويستغلون بـ " مهنة " الشحادة .. هل ممكن يكون في عالم قاسيين لهلدرجة ؟
اقتباس:
كاتب النص الأصلي : مغرم سوريا
بحس عم يفكروا بالمستقبل
عم يفكروا شو بدن يعملوا
يا اما عايشين بالأحلام
مبسوطين بالأوهام .... الله يكون بالعون
والحمد لله على النعمة
|
بتمنى ما يفكروا بالمستقبل .. بخاف يرتعبوا من سواده وما يجين نوم
اقتباس:
كاتب النص الأصلي : هبه الاردن
- يحاولان تقدير عدد القطع النقدية من فئة الـ " 10 ل . س " التي يحتاجان إليها لشراء البنطال المعروض .
انا بتوقع انهم بيحكو عن البنطال المعروض مشان يشتروه
|
ملحوظة ما كنت حابب اكتبها مسبقا بس انه صار الحديث وصار
المحل القاعدين امامه محل نسائي
يا هلا بالكل ..
كل شخص عنده صورة معبرة " مو بالضرورة تكون ملتقطة شخصيا " حابب يشاركنا فيها بنفس اسلوب الموضوع ليفتح مجال للتفكير والنقاش ، بتمنى عدم مراجعتي ويحط المشاركة تبعه بدون حرج ، لا بل بكون ممنون إله