[سوا ربينا]

واحد طفيلي وهوي راجع ع البيت ..في يوم من الايام ..كابسة معو ونازل يصيح... ينعن هيك بلد وشو هالعيشة هي ...ومن هالحكي ... شافو صاحبو قلو خير يا زلمة شو مالك معصب؟؟

قلو يا زلمة صرلي شهرين بدور ع شغل ومش ملاقي..
قلو صاحبو بسيطة يا زلمة انا عندي شغل الك تسليكة حال
قال الطفيلي وشو هالشغل .؟؟
قلو صاحبو: تلبس اواعي ع شكل اسد وتوقف ع باب هالعمارة وبتاخد 150 دينار..
انبسط الطفيلي وقلو بس هيك ؟.؟
قلو صاحبو اه بس..!!

وراح هالطفيلي ولبس هالاواعي على شكل الاسد ووقف ع باب العمارة وكلو تمام ...

بيوم من الايام شافو واحد سعودي وعجبو الوضع ..
وراح لصاحبو للطفيلي وقلو بدي هاد الاسد في القصر وبعطيك 500 دينار..

وافق صاحبو وراح اقنع صاحبو الطفيلي..انو يروح ووافق الطفيلي..
لما وصلو ع القصر قال السعودي لصاحب الطفيلي انو بدو يحط الاسد بالقفص..
طبعا الطفيلي ما وافق بس صاحبو لعب بعقلو واقنعو ..
لما فات ع القفص وسكروه اتفاجأ انو في نمور ..
خاف الطفيلي وصار يفكر شو بدو يعمل ..وخطر ببالو انو يقلد صوت الاسد بلكي خافو منو وما قربو عليه ...
وطبعا بلش يقلد بصوت الاسد ..


قام دفشو واحد من هالنمورالنايمة دفشة خفيفة وقلو ...























لا تشد ع حالك ..كلنا طفايلة هون ...