أهلاً سامان.. شكراً على تعليقك
اقتباس:
كاتب النص الأصلي : sandra
لا أبداً مافي حدود للعلم
حتى يلي اخترع البارود كفر باختراعو رغم بأنه دخل التاريخ و للأسف ما زال بعض البشر بيسعو للتخريب والموت
|
شكراً ساندرا.. فعلاً كلامك مزبوط..
تحيتي
اقتباس:
كاتب النص الأصلي : Fazlak
قديش كلفت هالعملية كلها عبعضها؟
ما بعرف، بس مش من العدل أن تُنفق الملايين هنا، بينما هناك 12 مليون أفريقي يموتون جوعا يوميا في الجهة الأخرى من العالم.. (طبعا برادات الكوكاكولا مؤمنة في قراهم حتى ما يموتو عطش)
العملية الطبية اللي انعملت بالصبي كسلعة، و كمُنتج، عدل. فهي حكر على مجتمع معيّن..
بس كعلم في خدمة البشرية ككل، مش عدل.
و عندما يقلّ العدل، تظهر الحدود.
|
يا هلا فيك..
نبدا من الأول..
العملية صارت بمشفى جامعي و بالتالي مافي حديث عن كلفة مادية بحيثيات القصة, و ما بعرف قديه كلّفت و لا يهمني الأمر من بعيد أو من قريب لأنو كل مال الدنيا هو قليل أمام حياة إنسان
بخصوص رأيك انو مش عدل.. بصراحة ماني عرفان شو دخل هاي بهاي, يعني شو ذنب هالطفل لحتى ما تنعمللو العملية لأنو عم يموتوا ناس بأفريقيا؟ أي نعم عار على البشرية انو يكون في ناس عم يموتو من الجوع و من أمراض يمكن شفاءها بسهولة و لكن هالشي مانو ذنب هالطفل.. كلفة إطعام هالناس لازم يتطالب فيها ديكتاتوريي أفريقيا اللي عم يكدسو الملايين عمولة سماحهون باستباحة ثروات القارة السوداء من ثروات معدنية و غيرها, بالإضافة إلى المليارات التي تنفقها هالأنظمة على أسلحة مشان يحاربو جيرانهون لما مواطنيهون عم يموتو من الجوع...
هدول لازم يتطالبو بانو يندفع ثمن القضاء على الجوع.. مو طفل عمرو 7 سنين عملولو عملية أنا بأكدلك ما كلّفت حق صاروخ غراد من هدول اللي تشتريهون التشاد أو النيجر أو الكونغو مئات الألوف منهون بالسنة
و شكراً مجدداً