اقتباس:
كاتب النص الأصلي : همس الياسمين
دخلك وانت بشو بتحس وانت عم تحكي هل الحكي ....
وينك انت؟؟
بشو فدت وطنك ؟؟
فيكي تقوليلي شلون بيقدر الواحد يفيد وطنو بظل هيك حكم؟؟
اكتب تقارير مثلا
شارك بحلقات الدبكة الشعبية باستفتاءات السيد الرئيس
صدق كل شي بيقولوا واعتبر كل معارض للحكم الديكتاتوري خاين ولازم نقتلو!!!
اقبل الذل اليومي و قول عن الصح غلط والغلط صح مشان ما شوه سمعة الوطن؟؟
ويا ترى هل فيني اعتبرك من احد هؤلاء التجار ولا بعتبرك مستهلك؟؟
اعتبريني مواطن مقهور طفشان من بلد تم تدميرو منهجيا على ايدين مافيا منظمة
حاجة شعارات وحاجتكم فشل؟؟
حاجة عرض عضلات بلا طعمة .
قلتيلي شعارات لكن. طيب اللي عم تسمعي كل يوم بنشرات الاخبار عن الصمود و الممانعة هي شو بتسميها لكن؟
لما سيادتو بيسلخنا خطبة عصماء عن انو ما اخذ بالقوة لايسترد الا بالقوة وانو المفاوضات هي عبارة عن استسلام و قبل ما الناس تنسى لسا شو قال بتلاقي سيادتو اعلن عن استعدادوا فورا للتفاوض
هي شو ممكن تتسمى غير شعارات وديماغوجيا بينضحك فيها على هالشعب المسكين
ودخلك شبو مجتمعنا ؟؟؟؟؟؟؟؟؟؟
مجتمعنا.......!!!!!!! اي ولا سويسرا الله وكيلك
بتعرفي شي, انت اللي بيفكر متلك بيعمل احسن شي بهالبلد , لانو الواحد لما ما بيكون شايف العالم برا شلون عم تمشي لقدام ونحني لورا وبيكون مفكر حالو عايش باحسن وارقى بلد وبمجتمع مثالي ما فيو عيوب , بتكون هي افضل طريقة للحياة
يعني متل اللي بيحشش لينسى الواقع اللي هو عايش في.
|
بالنهاية بتمنى منك انو تفكري بس بالفرق بين سوريا الوطن البلد , وبين بشار الاسد كشخص.
اختصار الوطن بشخص الرئيس بيدل على درجة عالية من القصور الفكري الناتج عن سنوات طويلة من تكرار الديماغوجيا الحكومية القائمة على تذويب الوطن كلو بشخص الرئيس واعتبارو انسان منزه عن الخطأ وانتقادو يعني خيانة الوطن.