[layla]

اول شي شكرا عالموضوع
تاني شي من جهتي من فترة شي سنة او اكتر ماكنت فكر بهالموضوع نهائيا لانو كان كل المجتمع اللي حواليي مسيحي 100 % وحتى الاسلام اللي حواليي ماكان هالموضوع ينفتح نهائيا
بعد ماسافرت لهون صار اكتر من شغلة خلوني فكر منون انو الرفقة اللي كانو حواليي بالجامعة كلون اسلام ( ومتعصبين )
وبهداك الوقت كنت تعرفت على الاخوية وشفت النقاشات اللي عم تصير هون وهالشي كلو خلاني فكر وخاف وفتت بمرحلة ضياع بس الحمدلله الرب بعتلي ناس وقفو حدي لبين ما الرب فك الحصار عن قلبي وهداني لمحبتو وساعدني ارجعلو
بصراحة بعد هالتجربة اللي انحطيت فيها حمدت ربي وشكرتو الف مرة لكوني مسيحية لانو ربنا مو طالب مننا غير المحبة ونحب كل الناس ( احب عدوك كحبك لنفسك ) وهوي كان اكبر مثال للحب والتضحية انا شفتو
تاني شي المسيحية بتعطيني راحة نفسية كتير بس حس انو في اب الي بالسما بيحميني من كل مين بدو يأذيني وبس كون محتاجتلو بيكون حدي وبس اطلب منو اي طلب بصدق بيحققلي ياه والاهم من كل هالشي بيحبني وبيحميني من الخطيئة اللي بعدتني عنو لفترة طويلة
وبعدين حتى من الناحية الاجتماعية المسيحية عاطية حرية للانسان وللعلاقات الاجتماعية السمحة والخلوقة ( الشي اللي معظم الناس ما قدرانة تفهمو ) وهالشي طبعا بيصقل شخصية الانسان وخاصة البنت وبيوصلها لمرحلة بس بدها تختار ( وبأكد على كلمة تختار ) شريك لحياتها تختار شريك لطول العمر مو بعد سنة انت طالق وباي باي
الرب يحمينا جميعا ويفتح قلوبكون لمحبتو وينور حياتكون بمعرفتو