[HashtNasht]

السؤال الأول :

الأخ الخليل السابع ....قبل ما احكي أي شي ...اسمحلي عبرلك عن إعجابي الشديد بقدرتك العالية على التعبير مستخدماً العربية الفصحى و هالشي صار قليل هالايام عند الشباب ....يعني عندي انطباع انك ختيار نوعاً ما
ما بعرف اذا انتبهت اني اعتذرت لأني اتدخلت بشي ما بخصني ...ما بخصني من جهة كوني ملحد ...يعني أساساً هاد القسم من المنتدى المفروض أني مالي شغل فيه .

المهم جواباً على سؤالك الأول أنا وياك ما منختلف بأي شي الو علاقة بالدين ...بس كمان برأيي الشخصي المتواضع ما بعتبر أنو ألوهية السيد المسيح هيي أهم خلاف بين الإسلام والمسيحية ... يعني المسيحيين بيعترفو بالدين الإسلامي كأمر واقع موجود ومفروض و ليس على أنه رسالة سماوية حقيقة..و أنا قلت المسيحين لأنو المسيحية كدين ما صار وذكرت الاسلام كونو ما كان موجود أساساً
بينما الاسلام ينظر للمسيحيين ..و ليس للمسيحية كدين ... على أنهم هم و اليهود من أهل الكتاب ...مع وجود بعض التعاطف و الانحياز للمسيحيين إن لم نقل أن الإسلام كان أقل عدوانية لفظية تجاه المسيحيين مقارنة باليهود .
أيضاً هناك ضبابية في الموقف الاسلامي تجاه أهل الكتاب ولا أريد أن أستشهد بالنصوص هنا ...الا أن النص يتراوح بين المرحب بأهل الكتاب و بين المهدد و المتوعد لأهل الكتاب ...تارة يصفهم بأنهم أقرب الناس و تارة يصفهم بأنهم أكثر الناس خطراً .
اذاً المشكلة هي ليست الوهية المسيح أم لا المشكلة هي عدم وضوح الموقف من الطرف الآخر لدى كلا الفريقين ..و هذا الأهم

السؤال الثاني :

بدي أشكرك أنك وفرت عناء استخراج الايات والنصوص و اعتمدت النقاش العقلاني ( و هذا أفهم منه أنا أن الحجة المسيحية والحجة الإسلامية هي حجة غير هقلانية ) و بنفس الوقت برجع أكد ع فكرة دائماً بقولها ...أنو النقاش اللي بيرتكز ع الحجة القلية هو نقاش يوصل الى الالحاد ...اذا تجرد كل طرف مما كان يعتقد بأنه ثابت مطلق و نظر اليه بنظرة الشك .

السؤال الثالث :

يعني أنا بقول أنو السيد المسيح وقت كان بالمهد ما حكى شي ...لأنو كان متل أي طفل ما بيحكي .... ( بالمنطق يعني )

السؤال الرابع :

اسمحلي قلك أنو كلامك فيه من الوزن والجمال ما لا يخفى
مما قد يجعلني أقتنع به فأكون أنا من أخطأتُ وأنت من أحسنتَ

يعني شو بدي قلك ...حاسس حالي قد الكمشو وأنا عم دور ع كلمة مشان رد على أسئلتك ... يا أخي شو بدك فوتني بالحيط ببلاغتك

ما رح قلك غير نيالك ...و اذا بتعطي دروس لغة عربية ببلاش أنا مستعد أخد دروس عندك بدون ما أنعس و نام بالدرس

و أهلا وسهلاً بالخليل السابع