اقتباس:
تحياتي,
اقترح على ادارة المنتدى انشاء قسم للحوار اللاديني-الديني,وذلك لطرح وجهات النظر المختلفة.
|
شوف لقلك يا حباب ....حتى لو كان اسمك تروتسكي ...أنا ماني معك بهالفكرة منوب
يا عيني عليك سألتني ليش
لأنو نحنا كلا دينين عنا مصطلحات و تعاريف و معايير ثابتة وعقلانية للأمور ....يعني كل شئ قابل للقياس ولا شئ مطلق ...و الشك هو اساس كل قناعة ...هاد بالمختصر الشديد يعني
أما الناس اللي بأمنو بالأديان و المعتقدات ذات الطابع الغيبي الروحاني ....بكون عندن ع الأقل نقطة وحدة خارج حدود القياس ولا تخضع للشك و غير قابلة للتفاوض ....بالأضافة الى وجود ععد هائ من المصطلحات التي تشتبه مع مصطلحاتنا بالاسم و تختلف اختلافاً جذرياً بالمضمون .
مثلاً و قت منحكي نحنا اللادينين عن عن عبادة ايل على شاظئ المتوسط قبل كذا الف سنة منعتبر انو هالديانة هي ديانة توحيد يعني كانو الجماعة يعبدو اله واحد ....بس خود تقدر تقنعو للمسيحي أو المسلم أنو الجماعة مثلا مانن وثنين
يعني خلاصة الشي اللي بدي قولو ...أنو الحوار بين الدينيين من جهة واللادينيين من جهة تانية هو حوار عبثي يشبه حوار الطرشان حيث لا يفهم أي من الطرفين ما يقوله الطرف الآخر .
من جهة تانية اللادينين ما هني شي واحد أو واضح المعالم يعني هني أساساً غير متفقين على خط واحد أو فكرة وحدة و بيتراوح الالحاد بين الالحاد الإباحي و المعادي للمجتمع و بين الالحاد شديد الالتزام والتحفظ ... كمان الدينين ما بشكلو فريق واحد يعني ما بشكلو حتى 100 فريق .....فإذاً ما حدا بيقدر يحكي باسم اللادينين ولا حدا بحقلو يحكي باسم الدينيين .
أنا من وجهة نظري بشوف أني ماني بحاجة لحوار مع الدينيين ...أنا بحاجة لأنهاء الصراع مع المؤسسات الدينية بالشكل اللي بيعطيني حقوقي المدنية كاملة بدون ما يكون مكتوب ع جبيني مسلم أو مسيحي .
يعني نحنا ما بدنا حوار نحنا بدنا مواجهة ....مواجهة ليس مع الدينين ...مواجهة مع سلطة المؤسسة الدينية....لصالح الدينين و اللادينين .
J.S: Death is the solution to all problems. No man = No problem.