[VivaSyria]

كاتب النص الأصلي : باشق مجروح

أول الكلام شكر لصاحب الموضوع لذاته ولموضوعه النبيل الهدف .

شكراً إلك ولمداخلاتك يلي دايماً بتغني أي موضوع..

اما بعد متل ما بيقولو فكتير من الشباب فهمت الموضوع غلط . باختصار شديد للغاية :

خليني وضحلك هون شوي في شباب فهمو الموضوع غلط وفي شباب فهمو الموضوع صح بس حابين يتظارفو ويتذاكو ويقولو أي شي... وفي شباب مابدون يفهمو مع إنون قادرين يفهمو..

عندما يبقى الدين مجرد علاقة تربط الشخص بما يؤمن به فهو في اطاره الطبيعي اما ان يستخدم وسيلة لتكفير الاخرين و يصبح في كل دين فرقة مختصة لدراسة معتقدات الفرق الاخرى فقط لتظهر للعالم كفر تلك الفرقة وتزويرها . فهو امر سخيف وغبي كما اسماه صاحب الموضوع . فما شأننا نحن في معتقدات الاخرين . ولم نحن من بين كل شعوب العالم تشغلنا هذه الامور لنحدث الخلافات متخلفين عن ركب الحضارة الذي لا ينتظر أحداً ولا يحتاج الى دين وعقيدة.

الفكرة الأساس بحرية ممارسة الدين والمعتقد بأي شكل بيلاقيه الشخص مناسب دون المساس بالأخرين ومعتقداتون وطريقة حياتون.. هلئ هاد الحكي ياصديقي فقط بهدف النهوض بالمجتمع وتطويره من مرحلة المزرية يلي وصلنالا..

مو غلط يكون الواحد عندو انتماء ديني متل ما كتير ناس بكل دول العالم بس متل ما قلنا بيضل باطاره الطبيعي . وكتير ممكن يكون في خلافات طائفية بأوروبا وبكل دول العالم لكنها تبقى محدودة ولا تقارن بما يحدث في بلادنا.

أتفق مع ظل جيفارا بفكرة انو الفئوية مستمدة من طبيعة حياتنا والتغيير فيها لن يتم الا بتغير نظام الحياة اصلاً ..

وأنا بتفق مع محمد بهالحكي بس التغيير مو لازمو تغيير نظام حياتنا أنا برأيي التغير بيلزمو فقط تغيير طريقة تعاطينا مع الأخر وإنتمائه الديني أو الفكري... ممكن تقلي هالشي هاد بيعني تغيير نظام حياتنا بس أنا بشوفو أسهل من هيك تحديداً لجيلنا والجيل الأصغر...

لكل انسان حقه في الانتماء الى دين ومنهج روحاني غيبي يعتقده . ولكن ما زلنا بعيدين عن الوصول الى الغاية المرجوة من هذا الموضوع وصدقني أبعد مما تتصور.

تحية إلك