[butterfly]

كاتب النص الأصلي : اسبيرانزا

ميمو ..
اول شئ بحب اعلنو انى كتير بحبك مو بس لانك شخصية قيادية بامتياز لكن كمان لانك دايمن بتدهشينى بكمية الحب اللى بيسكنك ع طول
الله يزيد ايامك حب وعشق وغرام

وأنا كتير بحبك .. مع أنو كنتي تطالعيلي روحي .. لبين ما تنزلي الموضوع بشكلو الصح بس بحس أني اليوم بفرح كتير أنك جزء من الناس اللي موجودين بالمكتبة وبحترم ثقافتك جدا ً ..
ميمو ...فيكى تقوليلنا كيف لما بيدخل الحب قلبك صعب يخرج منو ..؟
اي زيادة .. حسيت بالفترة الأخيرة أني بحب الناس للفترة اللي لازم اتوقف عن حبن فيها
قديش بتأثر الظروف فى علاقاتك مع اللى بتحبيه..؟
إذا كنت بعلاقة " يعني بحب ه الزلمي وهالزلمي بحبني " عندي استعداد حارب كرمالو .. الدنيا كلها .. ما كتيربعتقد انو في ظروف بتقدر توقف بوش تنين عندن إرادة ..
إذا كانت الظروف أنو أحدنا ما عندو الإرادة يكفي بهالعلاقة معناتا تعدى الموضوع الظروف صار لازم نعيد النظر بالحب تبعنا

الك نظرية مختلفة فيكى تعلميهالنا فى الحب ؟
لأ لأ ما عندي نظرية مختلفة .. أنا بحب متل كل هالناس .. بس بعبر شوي زيادة
انا مع الحب اللي بيشع من الشخص وبيملاه طاقة وفرح ..
وقت بحب بحس حابة بشر كل الناس انو هادا الحب اللي بيحيي لازال موجود
بشوف الحب علاقة بين شخصين عم يكبرو سوا .. عرفانين انو المسيرة تبعن يمكن يكون فيها منعطفات وانو العلاقة رح تشذب الطرفين وتغيرن ..
الحب التزام .. بالشخص الأخر كاملا .. بنقاط ضعفه ونقاط قوته
هي حرية أنو يكون " هو " وأني كون " أنا " .. وبالحب نقدر نكون " نحنا "

ما بعرف الحب هو الشي اللي بيخلي الحياة الباردة بتستحق أنو تنعاش