شر البلية ما يضحك
اللي بيسمع الاتاسي عم يقول صوت للمعارضة السورية العلمانية الديمقراطية بيقول يا سلام شو هالاخلاص والوطنية اللي عم تشرشر منه واكيد رح يتخيله على انه انسان نبيل مستعد يفرط بحياته مشان مبادئه الانسانية
واللي بدو يقدم نفسه على انو صوت للمعارضة وللشعب السوري على الاقل الاقل مايكون لعيب قمار
هلئ بجوز حدا يقلي هي شغله بتخصو وحده وما بتأثر على نزاهته ووطنيته.
طب ياسيدي ماشي لعيب قمار بلعناها بس انو يكون واحد من زلم رفعت الاسد وقبلها كان واحد من زلم صدام حسين فهدا الشي بدل انو هدا الزلمةمستعد يبيع حاله ومبادئه وشرفه ومبادئه وحتى ممكن يبيع وطنه اذا طلع بايده للي بيدفع اكتر .
والذ شي فيه انو عن جد ضحكني حزروا ليش
لانه ذكرني بتاجر الحشيش اللي لمن طرقت الشرطة على باب بيته وقبل ما يسألوه شي دغري قال ((شو حشيش ما حشيش))
والاتاسي نفس الشي أول كلمة حكاها((ان القناة لن تكون منتجاً سعودياً أو أمريكياً ))
|