[butterfly]

كاتب النص الأصلي : personita;1217132 [COLOR=#4d528c

[/color]"لمحات منه" امتى رح تصير "حقائق معه"؟
هي ما عم تسير باتجاه تسير حقائق معه
غالبا ً .. رح تصير ذكريات معه وصلى الله وبارك
شو بتعنيلك الكتابة؟
أكيد شايفة كيف بيساوو بوشار popcorn كيف بيصير بينط بينط بينط
تماما هيك بيكون صاير براسي .. بحس في افكار كتير وعواطف كتير وأني عم ينطو ينطو لدرجة لازم اني احكين بطريقة ما .. بكتب لأني بحس اني متصالحة مع مشاعري اكتر .. وقت بكتبها وبرسمها
بكتب لأترخ لحظات وخلدها
بكتب لأني بحس اني لازم اكتب
إذا منعو ميمو من القراءة ب"قرار جمهوري"، شو بيصير فيا؟

اول شي توقعت ردة فعل ثورية .. بعدين وقت تذكرت قدي في أشيا مانعينا منها وساكتين
حسيت اني ممكن اسكت بس رح اقرا وعالسكت وبالسر .. وبكل الوسائل سواء كانت مشروعة او غير مشروعة

لو حكولك من مكتبة، تختاري كتاب واحد بس، أي كتاب بتختاري؟

كتاب واحد لشو ؟ لأهديه لشخص ؟ لأتركو عندي ؟ لشو بالضبط ؟؟؟

كيف بتتقبل ميمو النقد السلبي؟

بانفعالية وعاطفية وحساسية مبالغ فيها ..

لو حدا حكالك ما بتعرفي تكتبي شو بتحكيلو؟

بقعد يومين مهزوزة ثقتي اللي هي اساسا قليلة باللي بكتبو
بعدين .. برجع بقلو بحترم رأيو بس في ناس بتستسيغ شو بكتب .. وهيك

شو حسيتي فترة بعَّدتِ عن الأخوية؟

أول فترة مرتاحة ومروقة .. بعد بشوي .. مشتاقة كتير كتير بعد بشوي معصبة لأنو المكتبة مقلوبة فوقاني تحتاني بعدين رجعت

كيف كانت العودة؟
قصدك كيف رجعت ؟ ولا كيف شايفة اخوية بعد ما رجعت ..
شو بتحسِّي وقت بتصفقي حدا مخالفة؟
حسب الحدا
شو في عندك فكرة عن أهل المغرب؟
إذا مغربي بدو يحكي لمغربية "بحبك" شو بيحكيلا؟
ما عندي انتي اول حدا من المغرب بيدخل حياتي بهالقوة

شو الشيء اللي يستحيل تتنازلي عنو من أجل علاقة؟

حريتي

شو الشيء اللي يستحيل تغفريه كمان في علاقة؟

نظريا .. بحس أني قادرة اغفر كل شي .. بس عمليا اعتقد اني ما رح اغفر الخيانة

شو بيكون موقفك لما حدا بيسيء إليك؟ (بصفة عامة)

ببكي .. بعدين .. يا بنحكي يا بتفهم يا بعصب يا .. يا .. يا
ما بعرف متل كل هالناس يعني

تقدري تتزوجي حدا من ديانة تانية؟

لأ ..

لو تحطيتي في موقف هو (قصدي حبيبك) أو أهلك، مين بتختاري؟

إذا الشخص اللي بحبو هلق والدنيا كلها رح اختار الشخص اللي بحبو وعلى الدنيا السلام
بس عموما ً أهلي أنضج من أنو يحطو حالن بهالميزان

شو أكثر اشي يبجذب انتباهك في الرجل؟ (قلبا و قالبا)

قالبا .. عيونو سيجارتو ايديه ابتسامته
قلبا .. حديثو .. قدي قادر يسيطر ع انفعالاتو .. قدي هو راقي وهالقصص

شو أكثر اشي ممكن تحسدي بنت عليه؟

أنها عم تشوفو هي خصوصا
عموما ً بحسدها إذا كانت .. أكثر ذكاء .. أكثر سيطرة على عواطفها ..

شو أكثر اشي بتعتبري انك ممكن تنحسدي عليه؟

الفرح تبعي

شو هي نقاط ضعفك؟

نقاقة ولحوحة ومثالية .. وبدلق عواطف بالكيلو
حساسة لدرجة اصدقائي بيحسو حالن اوقات بحقل الغام .. دخيلكن ما تقوم تزعل وتبكي ..

شو أكثر اشي ممكن يستفزك و يطلعك عن شعورك؟

الوقاحة ، التغابي ، التبجح ، التعصب ..

خصلة ما بتحبيها فيك و حابة تتغلبي عليها

انفعاليتي ..+ اني مبذرة وغير مدركة لقيمة المادة

لو فيك تغيري شغلة في جسمك (من غير عمليات) شو بتغيري؟

بنزل شي عشرين كيلو

طلعلك مارد، شو بتطلبي منو؟
" هو "
شو الاشي اللي تربيتي عليه و بتشكري كتير أهلك انهم ربوك عليه (أكيد كتير شغلات، بس قصدي الأهم)

تفهم قبل ان تحكم
الإنسان هو صورة الله مهما يكن هذا الانسان وإن كنت ما قادرة شوفو هيك فالمشكلة بنظرتي مو فيه

شو الاشي اللي تربيتي عليه أنتِ و بتفكري أنك ما تلقنيه لأولادك؟

الدنيا منيحة والناس مناح والزهور والالوان الوردية .. بتحسيني زيادة شايلة مثاليتي ع قد ما بيتنا هيك بيعتقدو .. بحس اني ما مدعوكة بما يكفي لهيك عاطفية زيادة وباخد القصص بحساسية زيادة

كيف تصورك الشخصي ل "المدينة الفاضلة" أو المجتمع النموذجي؟

ما متصورتو .. غير موجود .. بس عموما ً أطمح انو تقدر الناس تعيش بعدالة ومساواة وإنسانية أكثر

شو أقصى طموحك بالحياة؟
مافكرت فيه لسى .. لأنو كبير كتير .. طموحاتي بتكبر تباعا كلما حققت شي منها

و بما أنو قائمة الأعضاء ما بتشملنيشو رأيك ببرسو؟

رائعة راقية ناضجة مثقفة .. وبحبك كتير

و قليا سعيدا

يا جماعة انا بالقاهرة وما اعتقد رح اقدر ارد بسرعة ع القصص لهيك اعذروني يمكن طول شوي