اقتباس:
كاتب النص الأصلي : Reemi
أكيد هالورقه ما بتحدد مقدار انتماء الواحد للبلد الي بحبها .. ممكن كتير ناس ما يكون معون الجنسيه, وشاعرين بالانتماء لسوريا اكتر من ناس معون الجنسيه عن جد وعم يشتغلو ضد مصالح البلد..
|
وأنا بوافق معك عالانتماء العاطفي للبلد,
اقتباس:
|
بس ما هاد موضوعنا .. موضوع بحقوق المرأه المستلبه .. في كتير من الحالات المرأه بتترد انها تحصل عالطلاق وترجع ع بلادها مشان جنسية ولادها بتكون غير .. وهالشي بيفرض عليها صعوبات كتير كبيره ممكن انها ما تكون قادره تتحملها ..
|
إذا اطلقت أو توفى زوجا ولادا القصر بيحصلوا عجنسيتا حكما, وبضللون حق الخيار بس يصيرو راشدين باختيار جنسية أبوهن الأجنبية
اقتباس:
|
بعدين شو هالعذر الي بيهوي تبع الحكومه؟ يعملو متل مصر اعطوا الام الحق باعطاء جنسيتها لاولادها باستثناء الفلسطينيين - هاد اذا بدنا نقتنع بالهالعذر-.
|
ما هاد السبب الحقيقي برأيي كمان, لأنو بتنحل متل ماذكرتي,
السبب الحقيقي انو توسيع اعطاء الجنسية بهالشكل بفوت عناصر ممكن مستقبلا تغير تركيبة المجتمع السوري بالكامل,
بك تقولي الموضوع تعصب للحفاظ شكل المجتمع الحالي, سوري أبا عن جد!
