لك دار اليوم نقاش بيني وبين رفيق قديييم ..
كنا طالعين نشوي ورايحين كلياتنا عالجنينة ضلينا لوقت متاخر هنيك يعني عتمت الدنيي وطلع القمر علينا .. قام داق خلقي من القعدة حوالين الأبيلة (المنقل) ورحت بعيد عن الجماعة وتسطحت عالحشيشات ورفعت راسي للسما .. عم اتامل ..
ولا شفتلكم هديك الشوفة .. شفت القمر عم يبكي ..
سالتو : لك يي مو انت القمر .؟.
قللي وهو عم يبكي .:. اي هيك بينادولي
اطلعت فيه منيح وهو وعم يبكي متل الهربان من شي حدا ودموعو طايرة لورا ادنو ..قلتلو ولشو هالبكي ومن شو هربان ؟؟
قللي عم ابكي من هالناس الخرسان .. قللتلو شو يعني زعلان عليهم؟؟
.. قللي لا هم ما بينزعل غير عقلة عقلهم .. بس زعلان ليش مخرسين ..
قلتلو مين هم ؟؟ قللي شوية بشر بيجتمعو كل سنة مررة ليحلو مشكلة مييت سنة .. بس نادرا ما يحكي شي واحد منهم ومن فترة حكالو شي كم واحد .. عجبوني ..
قلتلو عشو بدون يحكو قللي ليش مو دريانة بيليي صاير ناح الاردن وسوريا لبنن وقريب من مصر .. قلتلو ليكون قصدك عفلسطين ؟؟
قللي ايييي وهو وعم يبكي .. قلتلو اي معك حق تبكي والله شي بيبكي الحجر .... بس ما قلتلي من شو هربان ؟؟
لك هربان من هدول يلي بدون يفجروني مشان ما شوف شو عم يصير عندون وعندنا .. مفكريني جاسوس ..
قال شو قال بدون يفجروني ويحطو بدالي قمر اصطناعي .. قال هداك احسن واحلى وبيستفاد منو ..
قلتلو ولا على باااااالك .. لا حيفجروك ولا حيسترجو يمدو ايديهم عليك اي شو مين هم ؟؟ سعودية ولا سويسرا ..
قللي هيك شي ...وانا عصبت وقلتلو لهوووون وصلت معهم يفجرو رفيقي الغااالي .. قللي لا ما حيقدرو اصلا لو بدون يفجروني رح يستعملو نووي وبهالشكل رح يعمل فجوات تانية بطبقة الحماية تبعهم .. وهم يلي فيهم مكفيهم .. بقا .. لا تعصبي ولا على بالك انتي كمان..
وانا وقاعدة عم احكي معو وطق حنك .. ولا بسمعلك حدا عم ينادي لووووووووووووولوووووووووو و دورت حواليي قمت لاقيت حدا قصير و وجهو مو باين قربت هيك شوي عليه ولا تاريه اخي عم يقلي يالله بابا عم يثتنانا بالثيالة ..
سلمت عالقمر وقلتلو بشوفك الاسبوع الجاي قللي قولي ان شاء الله .. وسلمنا عبعض ورحت
:l arg:
**مهما كان الضمير نائما .. لابد أن يأتي يوم ويصحى**
__**××مديرة العصفورية××**ــــ