[أم الجود]

كيك مالح مناسب للعصرونية (بدل الشيبس و البوشار) و للرحلات لأنه ما بيحتاج لتسخين و بيشبّع

مقادير العجينة

150 غ طحين
1 مغلف بيكينغ باودر
125 مل حليب
100 مل زيت نباتي
3 بيضات
100 غ جبنة مبشورة (جيدة الدوبان – متل جبنة البيتزا)
ملح

نخلط الطحين المنخول و البيكينغ باودر و الملح ، و في وعاء آخر البيض و نضيف الزيت و الحليب و نضيف هذا المزيح السائل على المزيج الأول و نخفق جيداً بمضرب أو بشوكة و بعد أن يتجانس الكل نضيف الجبنة المبشورة.
من بعد ما نحضر العجينة منقدر ندخلا الحشوة اللي منرغبا .. مثلاً

- مع حلقات زيتون و مكعبات جبنة فيتا و رشة زعتر أخضر نحصل على كيك يوناني

- مع حلقات من نقانق الهوت دوغ و ملعقة خردل منحصل على كيك هوت دوغ

- مع مكعبات جامبون او لانشون و علبة فطر و بصلة مفرومة ناعم و منسفة بملعقة زيت و ملعقة صغيرة دبس بندورة (مندوبها بال100 مل زيت لحتى تتجانس مع الخليط) و رشة اوريغان بيصير عنا كيك بيتزا

و هناك مجال واسع أمامنا من المكونات :

أنواع أجبان (بالأضافة للجبنة الموجودة في وصفة العجينة) أنواع لحومات (مطبوخة) أنواع خضار – بهارات منسجمة مع المكونات (كاري – كمون – بهار ...)

بعد أن نضيف مكوناتنا على العجينة نسكبها في قال كيك مدهون زبدة أو زيت و مرشوش طحين و يكون الخبز في فرن محمّى سابقاً على درجة 180 لمدة 45 دقيقة

و صحتييييييين