[زينصور وهي لعيونك قنينة زيت خص نص عحسابك
أذا مو أونا ما بدي
كالعادة منحكي على
اخويا يابي :
1 - شو بيفرق المشرف المتقاعد عن المشرف العادي ؟! يعني عندك صلاحيات حذف نقل تعديل ولا كيف ؟!
بيفرق كتير انو نحنا بس في شغلات منشوفا سوا وفي شات خاص وكمان في قسم خاص بالختيارية
2- "انحجبت الاخوية " شو كانت ردة فعل زين وقت سمع هلجملة
هلا طبعا انا اتضايقت بس من قبل ما تنحجب أخوية كنت بعرف طرق فك الحجب بس انو كتير شي بيخوزق
3- زين المتقاعد بحب يرجع يوقف ولا عاجبته القعدة هيك
اانا ما بحب القعدة
4- شو اكتر موضوع مميز مدرج تحت اسم زين واللي بيفتخر انه هوي اللي عامله " من ناحية التعب بالكتابة او من ناحية مستوى النقاش "
شيوعي متدين لأن كان بيعبر عن حالة فكرية عشتها بأحد الأيام وفي غيرو كمان
5 - بتنصح اقربائك من الفوتة على الاخوية ولا بتفضل يكون الك جو خاص فيها بعيدا عن الحياة الاجتماعية الواقعية
لالا انا بفتحر أنو بأخوية بكتير أحيان بس م بنصح حدا يجي ع أخوية منون مو خوف عليهون لأني دقت شي فينا نسمي لوعة أخوية سؤالك كبير لازم جاوب عليه بالتفصيل وبدو ياخد مناحي كتيرة
انا لما فتت ع أخوية ما كنت متخيل انو موقع الكتروني يقدر يأثر فيني فأخوية سابقا طبعا غيرت كتير شغلات بحياتي الفكر الديني تغير والسياسي تغير والاجتماعي تغير يعني كلشي قلب رأسا على عقب طبعا للأحسن بكل النواحي الا الناحية الاجتماعية هلق اذا بتسألني ليش ما بنصحون بقلك انو انا معلق بأخوية كتير بس القديمة وانا ماكنت حاسب التغير انو يوصل لهون انا لو بترجع فيني الأيام وبدي غير شي بحياتي بقلك انو ما بدي فوت ع الاخوية فكيف بدي أنصح حدا هون بتقدر تكون علاقات بس نوع وانا من النوع الكتير بتعلق بالاشياء يعني بضل زعلان اذا كنت بعرف شخص وبحبو وراح وتركني بدون ما يقلي ليش او يضل يقول انو هوي على علاقة معي بس هالعلاقة بتكون رفع عتب
بلت كتير
بتمنى تكون وصلت
6 - مين كان سبب ابتلاء الاخوية بالعضو المدعى zen
محرك البعص(البحث) غوغل
7 - بتشوف الاخوية مكان مناسب للبحث عن البحموشة ولا كيف ؟!
انا لالالالا منوووووب شخصيا على الأقل لأنو الشخيصات بأخوية في منها مانو صاق بيدعي اشياء وقصص وأخر شي بيطلع كل كلامو متل الض*** على البلاط يعني كلام يا عيني وبس
و\بيعي انو يكون في استثنائات
8 -" الاخوية شكل من اشكال المجتمع سوري " بتوافق على هلفكرة ؟!
اي أكيد فيك تقول نسخة منقحة شوي بالغالب
اذا كان اي .. اعطي اسباب منطقية لدعمك الفكرة السابقة
لأنو انا بشوف أخوية انو فيها من كل الأطياف والطبقات والأفكار مع انو أخوية بتعبر بالغالب عن رأي حر ما موجود عنا على الأرض بس هيك نسخة فكرية شوي أفلاطونية للمجتمع م انو في فكرة انو في ناس بتفوت ع اخوية وبتقلب فكرها بس بالكلام مشان انو فكر أخوية صاير شي ستايل يعني ليكسب العلاقات
اذا كان لا .. صحح الجملة السابقة بما يتناسب مع رأيك
قلنا اي
9 - عامل شي مقاطعة مع قسم من اقسام الاخوية بحيث ما بتشارك فيه بالمرة ولا مشاركتك بكل الاقسام ؟!
انو ولا مرة قلت انو في قسم ما بدي فوت عليه بس بس يعني المسابقات مابفوت عليه ما بعرف اذا فايت شي مرة
10 - باستثناء السمايل اللي نازل على اسمك ((:zen : )) " هاد هوي ليلي ما بيعرفه
" في شي تعديل بستايل الاخوية اجا على اقتراحك ؟! وفي شي تعديل حابب تعمله من ناحية الستايل وحابب تشاركنا فيه هون
لا مافي شي على اقتراحي بظن انو الستايلات بتجي جاهزة شيت المنتديات بس لو علي بحب الستايل القديم أحلى بكتير وانا كنت من المعارضين للستايل الجديد بس تعودت لأنو لهلاء ماشفت منتدي متل ستايل أخوية القديم أو الجديد
11 - رأيك بـ :
اعادة فتح قسم حوار الاديان
بالوضع الحالي تسق اذا كان في وضع جديد ومتل ما انا بفكر ممكن وقتها وافق
اغلاق قسم المسابقات
ما بشوفو عادي مابيهمني
وضع قسم الخواطر والخربشات على الصفحة الرئيسية للاخوية
اي وبشدة كمان
هدول لسعتنا
بالاخويا يابي ... قلتلك بدي فظّع فيك وقت بدك تنقلى ما صدقتني
جاييلك قريبا جدا جزيلا لبين ما احشر مخي وطالعلك كام سؤال من كعب الدست
اي تعا شو اعمل أرقص يعني
ع راسي ابا طووووني
هاموووش
اشتقتلك أبا طوني هي خص نص مشان الصيت