عن جد يا جماعة في خبرات و أوابد بالتلفزيون السوري مو ممكن الاستغناء عنا ببساطة .. ولا شو مفكرين الشغلة انتو ؟ لعب كلال ؟!!؟
يعني فيكون تتخيلو القناة الأولى من دون ما يطلبه الجمهور ؟؟ أو ما يطلبه الجمهور من دون عيوني أم عمار ؟!!
بعدين حتى لما أجوا بدن يتطوروا فكروا انو التطور هو كسر حاجز الرسمية مع المشاهد لدرجة المياعة و انو المذيعة تقوم تقعد بحضن المشاهدين إلا شوي و تأركل معن و تفصفص بذر 
بذكر من شي 3 سنين يمكن كنت عم أحضر سهرة راس السنة وكانت وحدة من هالمذيعات المهضومات الحركات النغشات مستضيفة باسم ياخور و بمعرض أحاديث السنة الجديدة صار الحكي عن الأبراج و قام باسم لماانسأل عن برجو نطت الفالحة بدها تتهضمن و قبل ما يجاوب قالت و هي عم تتصحصن : يمكن برج الزرافة 
طبعاً فيكن تتخيلو باسم كيف قلب على ضهرو من البسط 
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|