[alaa7r]

كاتب النص الأصلي : I_Love_Syria

هلأ أنا إذا بيوم من الأيام غلطت بحق عبر المحيط طبعاً اعتزرتلوا سابقاً بسبب وقتها كانت طريقة ردو استفزازية ووضحتلوا انو أنا ما عندي شي ضدو
وهو بنفس الطريقة رد عليي وصرنا صافي يا لبن مو بوجودو بس الشب عنجد محترم وهو إلي بادر
شغلة تانية بحب قولها انو أنا كان إلي صحاب من السعودية وعُمان كنا ندرس سوا ونلعب شدة سوا عنجد كانو زينة الشباب
والأخلاق مافي منها بالمرة ولهلأ أنا وياهون على إتصال مع انو كل واحد بمكان, وبنفس الوقت قابلة شباب من السعودية وعُمان
بس يعني شلاح من رجلك وإرمي مابتعرف تحكي معهن كلمتين فالمقصد انو بأي مكان بالعالم في المنيح وفي العاطل
وما لازم نحكم على سبعين مليون بني آدم من 10 مليون أو عشرين مليون بيضل في ناس منيحة وإن خليت خربت
إنت هلأ إلي عم تكتب عالكيبورد أو عم تلعب بالماوس طلع على أصابيعك بتلاقيون كل وحدة شكل

وشغلة أخيرة انو مثلا هون في اعضاء أردنية مابعرف كم عضو المهم في منهم المنيح ويلي بتحطو عالجرح بيطيب
وفي منهم بيدج الحكي دج ومابيعرف يركب كلمتين من غير ما يدجلو شي كلمة بيناتون بتهز البدن وبخلي الواحد يكفر مية كفرية,
بس مافينا نقول انو الخمس ملايين أردني كلون بيدجو الحكي دج ومابيعرفو يحكو بسبب وجود عضو أو عضوة من هالنوعية
آسفين عالإطالة
بالنهاية وجهة نظر

والله انا معك 100%
بس يا خيو الرقم 1 تجاه الرقم 1000 يكاد يكون مهمل.
بس نحنا هون عم نحكي عن بني آدمين لذلك ما فينا نهملهم.
وانا عم قول انو الغالبية (مو الكل) من الخليجيين ما بيعجبني تفكيرون ( هاد حسب رأيي الشخصي )
وما عم قول انو ما فيهم حدا فهمان.
تاني شي انا ما عم بحكم كمان على الشخص من جنسيتو وقلت هاد الشي سابقا
انما الشخص بأفكارو فقط.
وبالنسبة للأخ عبر المحيط يا خيو ماني عم قول انو مو كويس بالتعامل لا والله الزلمي كتير هادي.
وماني عم قول انو بيمثل الخليجيين كلون.
بس أفكاروا ما عجبتني وما اتفقنا أبدا
وهي شي من أفكارو

ومن المخجل احتفال بتبادل اسرى من ضمنهم سمير القنطار ولو كان سمير القنطار هو ورفاقة يعلمون ان ثمن فك اسرهم هي عملية اختطاف جنديين اسرائيليين ومن ثم ترد اسرائيل وتقتل 1200لبناني وتدمر البنية التحتية لبعض المدن اللبنانية وتشريد نصف مليون لبناني لرتعش سمير القنطار والنتفض ورفض هذه المغامرة الصبيانية التي هي اصالة عن حزب الله ونيابة عن الممايعة..لا اعلم ماهي معاير النصر عند هؤلاء امعة العرب يتحركشون ثم يقتل الالاف وتدمر البلد وتنتهك اراضية و يشرد الشعب ثم يرتجف ويتحسف ثم يرضخ لقرارات دولية تدينة وتجرمه ثم يتبسم في وجهه الشعب المغلوب على امره ويقول لقد انتصرنا...والله شي عجيب

انا اذا الله بيجي بيقلي هيك حكي رح اختلف معو .
---------------
بقى خيو هي وجهة نظري أنا كمان
بس حاسس انو ما حدا عم يفهم عليي.