اقتباس:
كاتب النص الأصلي : Abu ToNi
خيو بتحب تقول عنا نحن المستشارين متعالين وعبيضرب شرفيات على الجداد بتحب تقول عن الاعضاء القدماء بحبوا يشوفوا حالن على الجداد ويضربوا علين معلميات ... قول اللللللللللللللي بدك ياه .. بس انا ما برضى يستمر الوضع المصخرة اللي وصلناله هون
يمكن لهلق ما وضحتلك شو هية الاخوية ولا عندك فكرة 1% عن سبب وجود الاخوية ... يمكن ما قدرت تستنتج بشكل شخصي او يمكن الحق علينا نحن ما كنا واضحين كتير ... وهون عبوجه حكيي الك ولكل الاعضاء الجداد اللي فايتين على " منتدى " الاخوية .
الاخوية صيغة افتراضية للمجتمع السوري اللي نحن منحلم كسوريين انه يكون هوي مجتمعنا السوري ، على امل انه يتحقق على الارض بيوم من الايام نموذج مشابه اله من الحرية والعلمانية والاحترام والانفتاح .
الاخوية هدفا توجد صيغة معينة تفيد كل العالم اللي فيا ويستفيدوا من بعض . هدفا تحسن من التفكير وهدفا تشوف الارض الطيبة لتزرع فيها مبادئا وافكارا
طلاع لفوق شوف اسم الاخوية بتشوف تحته مكتوب : انتم ملح الارض ولكن اذا فسد الملح فبماذا يملح ؟!
كعضو بالاخوية عايش بجو من الحرية وبحو من الرقي الاجتماعي تحت مظلة العلمانية وما إلى هنالك لازم تكون انسان فعال بمجتمعك ومحيطك لتنشر المبادئ اللي عما تاخدا من هون ، وقت منحكي مثلا على جرائم الشرف ومنقدر نغير قناعات مسبقة ونعمل نقلة نوعية عند مجموعة لا بأس فيها من العالم حتى ياخدوا موقف عدائي منها ، بنكون بهلحالة الاخوية عبتلعب الدور اللي منشانه خلقت فيه ومنشانه لهلق هية موجودة ... ومنشانه انا عبحكي على حالي هون لهلق عما فوت عليا .
الشي الوحيييييييييد اللي ممكن اني اتقبله كموقف مبدئي من السعوديين هوي الحكي اللي قاله ابو ويلم بان الانسان السعودي ما بيقدر يّقدر مقدار الحرية اللي موجود ،بحكم التضييق اللي عبعيش فيه من صغره ، واللي بلمناسبة هوي ماله ذنب فيه غير انه ولد بهلمنطقة من الكرة الارضية ، فما بيقدر مثلا يقدر فكرة انه في ملحدين معه بنفس المحل ، ما بيقدر يقدر فكرة وجود غاي عما يكتب بشكل حر ومصرح باسمه بانه غاي ، ما بيقدر يعيش بهلحرية اللي بالاخوية لهيك ما قدر ولا شخص سعودي يستمر بالاخوية لحد هلق.
فانت كعضو على النت هدفك تحاول تغيير من هلواقع على مبدا طريق الالف ميل بده يبدا بخطوة ... وقت شب من نص سعودية فايت عما يحاكيك بقيم راقية على حرية الاعتقاد الديني هاد معناه ان الشب عما يقدر يستوعب مساحة الحرية وافكاره بتتماشى مع جو الاخوية ، هدفنا هون يكون هوي التعايش معه لترسيخ فكرة الحرية بمفهومه مش محاربته لأن جذوره العرقية او مكان الولادة داخل هويته الشخصية مدون باسم ما .
وقت الاخوية بتضم نماذج جديدة قابلة للتغيير وبتشتغل على تطوير المفاهيم هون بكون في للاخوية معنى وبكون للأخوية قيمة .
فبعكس ما حضرتك عملت وقت منشوف شخص قابل للتحاور والتفكير (( حتى لو كان مختلف عنك بالتفكير 180 درجة بيكفي انه الشب لحد اللحظة ما جاب سيرة الدين وما استشهد بولا آية دينية حتى تشوف انه الشب قريب بالتفكير عليك وقادر يستوعب فكرة الحرية الدينية )) ما بكون هدفنا نطفشه بالعكس بكون هدفنا العمل معه والتحاور معه لنوصل لنتائج افضل ولنرقى بافكارنا كلياتنا لمستوى اعلى .
فطلعولي برات الاحكام المسبقة الهمجية والتهجمات الغبية احسن ما العن سعدو بقبرو .
|
خيي بو طوني اشرت لنقاط كتيرة انت بس ما رح ناقشها كلها-مو استخفاف والله- بس والله بعد بكرا عندي مادة
ولسا ما درست فيها شي
بس بحب قول انو انا ما هاجمت-حسب رأيك- الشب يعني انطلاقا من انو سعودي لأنو الشخص مو بجنسيتو أو دينو وإنما الشخص بما يحمل من أفكار. وانا كنت عم انتقد كام شغله بالمجتمع السعودي بشكل عام وعم قول انو
ما بتعجبني .بس الاخ عبر المحيط ولا مره كان يقرب عالنقطة يلي عم نحكي عنها لحتى تتأسس أرضية للنقاش
أو الحوار كل ما هنالك يلف ويدور انت شوف ردودو بمواضيع تانية كلها هيك
يعني بالمختصر شخص ما ممكن يتناقش-نموذج غير قابل للتغيير - وبيرد أحيانا ردرود استفزازية.
وبالنسبة للتطفيش هاد رد من أحد الأعضاء على عبر الحيط
أنو بيطفش أكتر ردي ولا هالرد ؟!!
هامش : على سيرة سعدو
أنا أول ما عرفت أخوية كان سعدو عم ينزل السطل يمكن على krimbow (مو متذكر إذا الموضوع هيك)
يعني زكاتك بركي بتدلني بأنو قسم كان الموضوع . بدي اهتدي لأنو.
