اقتباس:
كاتب النص الأصلي : I_Love_Syria
في شي بيناتنا مشترك
أنا أعجبت بوحدة من كلية تانية غير كليتي بس كنت سنة تانية وضليت من سنة تانية لوقت تخرجت وما حكيت معها كانت طالبة صيدلة وأنا كومبيوتر كل كلية الصيدلة مفكرتني بدرس صيدلة من 8 الصبح لل 5 المسا على باب كلية الصيدلة "منيح الي ما تورطت مع صيدلانية"
هلأ أنا عندي مشكلة عويصة جداً ملازمتني لهلأ انو بخجل احكي مع بنات ولما احكي مع وحدة حتى لو بدي اسألها على ملخص بيصيرو خدودي حمر
وكأنو سحارة بندورة حورانية 
كنت كل ما قول بدي روح حاكيها تطلعلك أفكار شروي غروي انو بركي قالتلي لاء شو بدو يصير فيني وخصوصي إذا كان في حدا ناحها بدي اطلع بالخجلة وهلم جر من هالأفكار الي كلها عوائق بعوائق..
وقبل ما نتخرج البنت انخطبت 
بالمناسبة حدا عندو حل لمشكلة الخجل وإحمرار الوجه من النسوان يعني عندي الخجل بس بيكون بأول لقائين بعدين باخد عالجو وبيصير كلشي طبيعي  |
متلك متايل ببلدنا.... قصدي اعجبو ببنات و ضيعو سنين بهالاعجاب والبنات تزوجو (وممكن زواج عن غير حب) ولسا ما تعرفو عليهون حتى...
و أنا ما بعرف اذا كنت متهور... بس عجبتني بنت \وقت كنت لسا بكالوريا\ وانهوست فيها...
و ضليت متابعها و ع أساس عم دور ع وقت مناسب لاتعرف عليها... وهي طبعا ملاحظة و التجاوب واضح من طرفها!! لمرة من المرات \بنهاية العام الدراسي\ مرقت من حدها الصبح و نحنا ورايحين ع المدرسة وما بعرف ليش فتلت و خطيت لعندها خطوتي أسد و قلتها "صباح الخير حابب احكي معك بموضوع..." ماشفتها غير اخذت يمينها وتابعت طريقها وكأنو هالحكي ما بخصها!!!!!
أما أنا من وقتها قررت انسى أو أجل هالموضوع لأجل بعيد.. بعد البكالوريا فورا سافرت للدراسة و ضاعت القصة...
الخلاصة أنو المشكلة هيي الحاجز الطويل العريض بين البنت و الشب بمجتمعنا... أنا الي غايب عن البلد من 2000 !! يعني انشالله يكون هالحاجز عم يهرهر