[حنين.]

كاتب النص الأصلي : I_Love_Syria

في شي بيناتنا مشترك
أنا أعجبت بوحدة من كلية تانية غير كليتي بس كنت سنة تانية وضليت من سنة تانية لوقت تخرجت وما حكيت معها كانت طالبة صيدلة وأنا كومبيوتر كل كلية الصيدلة مفكرتني بدرس صيدلة من 8 الصبح لل 5 المسا على باب كلية الصيدلة "منيح الي ما تورطت مع صيدلانية"
هلأ أنا عندي مشكلة عويصة جداً ملازمتني لهلأ انو بخجل احكي مع بنات ولما احكي مع وحدة حتى لو بدي اسألها على ملخص بيصيرو خدودي حمر
وكأنو سحارة بندورة حورانية
كنت كل ما قول بدي روح حاكيها تطلعلك أفكار شروي غروي انو بركي قالتلي لاء شو بدو يصير فيني وخصوصي إذا كان في حدا ناحها بدي اطلع بالخجلة وهلم جر من هالأفكار الي كلها عوائق بعوائق..
وقبل ما نتخرج البنت انخطبت
بالمناسبة حدا عندو حل لمشكلة الخجل وإحمرار الوجه من النسوان يعني عندي الخجل بس بيكون بأول لقائين بعدين باخد عالجو وبيصير كلشي طبيعي

خسارة بس معلش بكرا بتحل مشكلة احمرار الخدود
واكيد المرة الجاية رح تلاقي الشجاعة
لما تتلاقى بالانسانة المناسبة
حل مشكلة احمرار الخدود هو الانيميا
جد المرض الوحيد الي مفيد بحمد الله
لا جد من كم يوم قريت موضوع هيك بيقول صاحبو انو لقى حل لهالمشكلة
ادا بنحب ابعتهولك جربو
او حطو بقسم علم النفس حتى يستفيد الكل متل ما بدك