يعني لو تروحي دول مثل غانا وبركينافاسو او رواندا نيجيريا عندهم حريه هوووونيك اكثر من السعودية وسوريا والمراة بتسوق من الطيارة الى الدراجه الهوائية وبتلاقي المراة لا حجاب ولا غيره واذا بدها تشلح كل اوعيها فيها تعمل وكمان عندهم وزيرات وسفيرات وغيره... لكن شو قدم هذا كله للمواطن في تلك الدول....
بيظهر انو هون اختلطت عليك الأمور .. أنت ما عم تميّز بين دولة متحضرة و بين دولة غنية .. غنى الدولة بيساعد على تقدمها لأنه بيأمنلا استقلال و سيادة و فرص لتطوير إمكاناتها على أصعدة كتيرة .. بس المواطن بالدول اللي ذكرتها مشكلتو اليوم انو فقير .. مو انو متخلف .. و يا سيدي حتى لو اعتبرته متخلف فتخلفه سببو الفقر مو أشيا تانية .. يعني منيح منا هالبلاد انو بهالظروف الاقتصادية المزرية عم تقدر تعلم بناتها و تطالعن وزيرات و سفيرات .. و هالشي أكيد مدعاة فخر .. حتى لو حضرتك مو شايلو من أرضو و معتبر انو يا لطيف شو هالشغلة العظيمة و شو قدموا هال(حريم) للمواطن الغلبان ...
و برجع بأكد انو مو (الشلح) متل ما حضرتك تفضلت و قلت هو معيار التقدم ، و لكن تغيير هالنظرة الشيئية للمرأة و اعتبارها كيان كامل الو عقل و عواطف و عندو إمكانات و مواهب و من حقو يمارس حياتو بشكل طبيعي مو كومة لحم أو *باربي* بيحواها الرجال ببيتو مشان يغطيها و بيكشفها لما بيحلالو ... و على فكرة أنا ضد هالمنطق هاد و هالنظرة السلبية للمرأة أينما وجدت .. إن كان بالسعودية أو بسوريا أو حتى بهونولولو 
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|