[sona78]

للصراحة يعني اول علاقة الي كانت من بعيد لبعيد يعني ما حكينا ولا مرة سوا ..
بعدين جاكرني وصار يجيب صبية رفيقة الون ويقعد معها قدامي ويضل يبصبص عليي !!!
فشفت انو الشغلة لعب ولاد صغار .....
بعدين اتعرفت ع شب ........... يعني الرومانسية كانت طابعو الاول ولاخير
وكنت متل كتير صبايا بحب شغلة انو حدا يكتبلي شغر وما شغر ..
وللصراحة يعني ما قصر يعني لما كنت اقرا شو يكتب كنت حس حالي ملكة زماني !!!!!!!!
بس كان في كارثة ........ انو كل مرة منحكي سوا ..ايا موضوع بيتحول لبصير بس عن الحب والرومانسية والشعر
يعني لا كلام عن المجتمع و لا عن السياسة ....... لا عن كيف بفكر وشو بحلم ولا عن نفسو كانسان عايش واقع
كلو كان حب وحب وحب ...... لدرحة وصلت اني رح اختنق صرت حاسة انو علقت بشرنقة ما عم اقدر اطع منها ........ انو انا كمان عندي شغلات اهتم فيها غير اني كون عشقانة وبس
وهيك صارت الامور بيناتنا تبعد اكتر واكتر ....... وبعديم كل واحد راح بسبيلو...... بس كان كتير ودي ولهلق لسا بيناتنا تواصل لطيف .. كتاباتو الي للصراحة لساتها عندي وبقراها احيانا وبتذكر ايام لطيفة .. بس كانت درس فعلا اني فكر بشي تاني غير الرومانسية لما بدي ارتبط بشخص ما
اما علاقتي الاخيرة ........ فكمان بالجامعة ... كان بيناتنا معرفة عائلية وبالجامعة اتطور الموضوع اكتر
بيناتنا كتير شغلات مشتركة.. ونتيجة تواصلنا الدائم واشتراكاتنا بمناقشات صغيرة وكبيرة صار بيناتنا ود اكتر وشوي شوي اتطور الموضوع ....المشكلة الوحيدة او ما بيعرف يغازل!!!!!!!! ( ليكو ع هالعلقة ) ولما بدو يحكي غزل بيقلي ع شاكلة.......... حبيبتي انت كارثتني الابدية ........
بس فعلا علاقتنا كانت رائعة....ما في شي بيخلا من المشاكل .. ومرت فترة انقطعنا عن بعض اكتر من سنة ما صار فيها تواصل ابدا ......... بس بعدين رجعنا سوا ......... وهي ليكنا مزوحين ما احلانا وعايشيين الدينا بالطول والعرض.........
صراحة الزواج شغلة رائعة اذا كان فعلا مبني ع حب وتفاهم سوا ...... وحدة بس ما بتكفي ابدا
واهم شي انو ما نحكي انو المهم اتزوجنا وبالتالي بلشت حياة تانية غير السابقة لما كتا بس منحب بعض
لا لساتنا متل الاول واكتر ......... ما في احلى من الحياة المشتركة بين اتنين بحبو بعض
طولت بالحكي كتير ما هيك !!!!!!