[آية اللطف]

بسم الله والصلاة والسلام على رسول الله

الحلقة الحادية عشرة(الموقف اتحسن تماما)؟
--------------------------------------------------

..راجعوا الحلقة الأخيرة..
فى آخرها كده حتلاقوا الكلام ده:"
"انا حبدأ بقى..حاشوف الكتاب المقدس نفسه وحاسيب لعقلى الحكم ياترى ميين كلام ربنا؟؟ماتنسسوش انى متجاهل الاعجاز اللغوى فى القرآن لأسباب عادلة وأول حاجة قابلتنى قبل حتى مافتح الكتاب المقدس كانت كالعادة مفاجأة مفاجأة بكل المقاييس حاجة لا كانت على البال ولا على الخاطر فوجئت بان الموضوع كان بسيط ومفاجئ فى نفس الوقت أنا طبعا عشان أبدأ بالترتيب..فكان لازم أبدأ بالعهد القديم.."
بس برده قلت أقرأ فكرة عامة عن الكتاب المقدس بعهديه..الجديد(الانجيل) والقديم(أسفار ماقبل المسيح) المسيحين بيؤمنوا بحاجه اسمها الكتاب المقدس..وده مقسومة الى قسمين أساسيين:
1-العهد القديم(التوراه وأسفار ما قبل عيسى صلى الله عليه وسلم) 39 سفر او قسم او كتاب
2-العهد الجديد(الانجيل)27 سفر او قسم او كتابّ يعنى المجموع 66..ده غير 7 اسفار ممنوعين عند بعض الطوائف المسيحية ماعلينا من الطوائف وعشان افهمكم التقسيمه..:احنا عندنا مثلا اجزاء..وسور..وآيات هم عندهم اسفار..واصحاحات..وأعداد وكل سفر له اسم..يعنى لما أقول مثلا: متى(1\2)..يعنى سفر متى(أول سفر فى العهد الجديد) الاصحاح الأول العدد الثانى..مفهوم؟؟
عشان حنتكلم بالشكل ده كتير بعد كده وطبعا دراستى كده اتحددت فى ديانتين..اليهوديه والمسيحية..وبشكل عام المسيحية..عشان بتحتوى التوراه طبعا فيه ناس بتقولى ياعم ايه المفاجأة لما قريت معلومات عن الكتاب المقدس كاتبينها باديهم هم..
لقيت الحقيقة التاريخية ده
مافيش نص أصلى للعهد الجديد!!!!!!!!!!!!!!!!!!!!!!!! اسمعوا
لاحظوا تقاسيم العهد الجديد الأربعة الأساسية1-انجيل متى
2-انجيل مرقس
3-انجيل لوقا
4-انجيل يوحنا
أما باقى ال 27 سفرا فهى رسائل لتلاميذ عيسى..وأعمال الرسل أين انجيل عيسى؟؟؟؟؟؟؟!!!!؟؟؟؟؟؟ده ايه البدايه ده؟؟؟
طب احنا عندنا القرآن بيتم تدوينه من أيام الرسول عليه الصلاة والسلام..وكان فيه نسخة رئيسية مع أمنا حفصة زوجة الرسول عليه الصلاة والسلام..ده غير ان كل الصحابة كانو من حفظة القرآن..ومع ذلك معتمدوش على كده وبس..كان فيه اجراءات صارمة اتكلمنا عليها

واسمعوا الحقيقة التاريخية ده كمان ..
وأتحدى حد يقول غير كده بدأت كتابة الأناجيل فى الفترة بين 60م الى 100م..يعنى بعد من 30 الى 70 سنة من رفع المسيح!!!!!؟ واسمعوا ده كمان أقدم المخطوطات التى عثر عليها والتى تعتبر اللبنة الأولى للعهد الجديد..تعود لعام 200 م!!!؟يعنى بدأت كتابته بعد 30 سنة من الرفع..وأقدم حاجة فاضلة بعد 170 سنة من الرفع!!!!!!!؟
وده والله ماهو كلامنا..ده كلامهم هم وخدوا ده كمان النسخ الأصلية مفقوده..ولايوجد سوى المخطوطات المذكورة وده كمان انجيل متى لغته الأساسية يرجح انها الآراميه..وطبعا لاوجود لها ..
الموجود هو الترجمات اليونانية لمترجم مجهول كل ده بلسانهم هم والله
يعنى المطلوب منى عشان أبقى مسيحي..انى أومن بكتاب اتكتب بعد رفع الى قاله ب متوسط 40سنه ..واتقال بلسان ناس تانيه..ونصه الأصلى مفقود..وأقدم مخطوطه موجوده تعود لسنة200م..وانه مافيهوش حرف ناقص ولا متحرف!!!!!!!!؟
لأ..ومش كده وبس
من هو لوقا الذى كتب أحد الأناجيل الأربعه؟؟..هو تلميذ بولس..الذى هو تلميذ لبرنابا..الذى هو تلميذ لعيسى(وللصدق..الحتة ده قرأتها فى كتب اسلامية..بس مفيش اعتراض عليها من المسيحيين)؟
و من هومرقس؟؟.هو كاتب انجيل مرقس..وليس تلميذ لعيسى..بل تلميذ للحوارى بطرس

طب وبقيت ال 27 سفر بتوع العهد الجديد
لالالا..دول بقى بتوع تلاميذ سيدنا عيسى وتلاميذ تلاميذه كمان..المفروض ان هم كتبوها بوحى من الله..!!؟وانا بتساءل؟؟ الله؟؟ طب كل واحد ربنا أوحالوا..عشان يكتب أنجيل اللى جابوا عيسى..برده..فين انجيل عيسى؟؟؟؟هل أنا بشتم؟؟هل أنا بأقل أدبى؟؟؟ أنا ماباقولش غير الحقائق..وسايب كل واحد وعقله وأقسم بالله العظيم..ده كله كلامهم..غير الحتة اللى أنا أشرت اليها ده كده حتى قبل ما أقرأ ولا كلمه..وكل ده عن العهد الجديد..طب والقديم؟؟لا..ده بقى مواله موال..مش بتاع اليهود أساسا؟؟لازم يكون مواله موال رغم كل ده..
بس برده أنا قلت ايه؟؟..ماليش دعوة بأى حاجة بتتقآل..أنا أدخل جوة الكتاب المقدس نفسه..هو نفسه مش يمكن متى ولا بولس ولا ولا قالوا فعلا كلام صح؟؟ وربنا أوحالهم؟؟حاحكم ازاى من الكتاب نفسه..وحبدأ بالترتيب من العهد القديم
وأحب أقول لكم..أن أكبر غلطة وقع فيها المسيحين..انهم حطوا العهد القديم مع الجديد حانعرف ليه على فكرة.أنا قرأتهم من على الكمبيوتر..ماهم مغرقين النت..يعنى عينى باظت أنا بدور على ايه؟؟فاكرين؟؟ تناقضات..وغلطات..وكلام أهبل
طبعا أنا معرفتش أطلع فى القرآن بنفسى..فشوفت هم مطلعين ايه..وعندى حصيلة جيدة مما لم أستطع فهمه وقتها من القرآن وطبعا لو معرفتش أطلع بنفسى برده هنا..حاشوف المسلمين بيقولوا ايه..بس ماحتاجتش أنا لكده ومش حاخش فيه الحلقة ده عشان حاقول لكم دلوقتى على حاجة مستنينها من زمان..
سورة النورين المزعومة
كنت باكلم واحد مسلم على النت..وقولتلوا على موضوع السور المزعومة ده..وازاى انا حاسس ان فيها شبه من القرآن..وازاى أنا خايف ان حتة "سورة من مثله"تكون مش صح أو"انا له لحافظون" تكون مش سليمة ماهى السوره ده بتلعب على الحتة ده وعلى فكرة..السور المزعومة كتير..وانا قرأت منهم كتير..بس كله مفقوس..ومعلقش فى دماغى غير السوره ده عشان هى أكتر واحده محبوكة فيهم من حيث اللغة(هكذا خيل لى ولكنها طبعا لا محبوكة ولا نيلة)

قاللى بحروف كبيرة كأنه بيصرخ فيا "مستحيل مستحيل مستحيل" قلت له ليه
قالى لا هى من مثله ولا نيلة..
قلت له ليه؟
قالى لو عندك كراسة نضيفة..كل ورقها أبيض ومتسطر وكل الأسئلة اللى فيها متجاوبة صح..والكراسة ده بتاعة تلميذ مجتهد ليك.وناس بيكرهوه كتير قبل كده حولوا يضيفوا ليها ورق من عندهم عشان يثبتوا ان الولد غلط وأعداؤه كتير..وبعدين جالك واحد صاحبه معاه ورقة كده خطها يشبه خط الولد..بس انت شاكك فيه..وانت عارف ان اللى جابلك الورقه ده بيكره صاحب الكراسة..وبعدين تلاقى الورقة بتكسر النظام بتاع الكراسة..حتصدق ان الورقة ده تبع الكراسة؟؟
قلتلوا لأ
قالى بالتالى تبقى كراسة الولد ماتحرفتش..والورقة المزعومة مش من مثلها صح؟؟
قلتلوا صح
قاللى وهو نفس الكلام بالظبط..
قلتلوا ازاى؟؟
قالى كلام ماقدرش أقولوا دلوقتى..عشان كده الحلقة ده طولت قوى..وأخاف أن حد يشوف طولها يكسل يقراها ماتخافوش أنا كنت أشرت الى حاجات أقولها الحلقة ده..بس الوقت سرقنى فى جزئية واحده منها..بتاعة النص الأصلى مفقود أوعوا تزعلوا انتظرونى ..وادعولى









مش حاطول عليكم..حابدأ علطول حاعيد حتة صغيرة
كنت باكلم واحد مسلم على النت ..وقلتلوا على موضوع السور المزعومة ده..وازاى انا حاسس ان فيها شبه من القرآن ..وازاى أنا خايف ان حتة "سورة من مثله"تكون مش صح أو"انا له لحافظون" تكون مش سليمة ماهى السوره ده بتلعب على الحتة ده
وعلى فكرة..السور المزعومة كتير..وانا قرأت منهم كتير..بس كله مفقوس..ومعلقش فى دماغى غير السوره ده عشان هى أكتر واحده محبوكة فيهم من حيث اللغة(هكذا خيل لى ولكنها طبعا لا محبوكة ولا نيلة)
قاللى بحروف كبيرة كأنه بيصرخ فيا "مستحيل مستحيل مستحيل"
قلت له ليه؟
قالى لا هى من مثله ولا نيلة..
قلت له ليه؟
قالى لو عندك كراسة نضيفة..كل ورقها أبيض ومتسطر وكل الأسئلة اللى فيها متجاوبة صح..والكراسة ده بتاعة تلميذ مجتهد ليك.وناس كتير بيكرهوه وقبل كده حاولوا يضيفوا ليها ورق من عندهم عشان يثبتوا ان الولد غلط وأعداؤه كتير..وبعدين جالك واحد صاحبه معاه ورقة كده خطها يشبه خط الولد..بس انت شاكك فيه..وانت عارف ان اللى جابلك الورقه ده بيكره صاحب الكراسة..وبعدين تلاقى الورقة بتكسر النظام بتاع الكراسة..حتصدق ان الورقة ده تبع الكراسة؟

قلتلوا لأ
قالى بالتالى تبقى كراسة الولد ماتحرفتش..والورقة المزعومة مش من مثلها صح؟؟
قلتلوا صح
قالى وهو نفس الكلام بالظبط..
قلتلوا ازاى؟؟
قالى القرآن ده هو الكراسة النضيفة اللى عايزين يوسخوها
..ويحطونا قدام خيارين:
1-محرف.. 2-ممكن يتكتب زيه قلتله وضح أكتر
قالى : بص..أنا حتاجاهل حتة انها اساسا اسلوبها متخلف عقليا..وانا مش عارف ازاى انت بتقول ان اسلوبها فيه شبه من القرآن..ماشى ياسيدى أنا معاك..بس هل ده كفايه انها تكون سورة من مثله؟؟؟ انت فاكر القرآن ألفاظ ومعانى وبس؟؟..أنا معاك أن زمان لما كانت الناس بتحاول تقلد القرآن..كان بيطلع كلام غريب وعبيط..ياترى ليه..مع انهم زمان كانوا سادة اللغة العربية؟؟

الاجابة بسيطة..عشان ربنا عارف ان الناس ده مش فاهمة أى معجزة من معجزات القرآن غير الناحية اللغوية..اللى هو نزل يتحداهم فيها اساسا..وبالتالى..ربنا كان لايمكن يسيب حد يقول كلمتين على بعض فيهم شبه من القرآن(مجرد شبه)..عشان كده الكلام كان عبيط قوى..زى مثلا (الفيل ما الفيل)..(وياضفدع ياضفدعين)..أكيد عارف الكلام ده بس دلوقتى الموضوع اختلف..ومعجزات القرآن مش لغوية بس..دا شفاء(يعنى طبية)..وبيريح الأعصاب(يعنى نفسية)..ده غير المعجزات التنبؤية..ده طبعا غير المعجزات العلمية..وكل كل ده كوم..والاعجاز اللغوى ده كوم تانى..صح؟؟
قلتله : صح
قاللى طيب ..احنا الأول نضرب النقطة الأولى..ونقول ان السوره ده مش من القرآن..وبالتالى..القرآن مش متحرف..وجزئية "انا له لحافظون"سليمة يبقى ماقدامهمش غير حتة"فأتوا بسورة من مثله"..هى اللى فاضلة..وانا اقولك..عشان تبقى من مثله فى زمن كل يوم بتظهر فيه كل يوم معجزة جديدة..يبقى لازم يكون باين عليها أى شبهه من المعجزات..مش شبه القرآن فى الألفاظ وبس(مع انها لا شبهه ولا ليها صلة بيه أساسا)
قلتله:ايه علاقة ده بحكاية الكراسة بتاعة الولد؟
قالى: بص ياسيدى..السورة المزعومة ده وغيرها من السور..عامله زى الورقة اللى زمايل الولد بتحاول تحطها فى الكراسة بتاعته..مع انها مش منها عشان بتكسر نظامها وأى سورة حاتتحط فى المصحف زيادة..حاتكسر الدراسة اللى عملها الدكتور طارق السويدان ده
ذكرت كلمة دنيا 115 مرة ...............وذكرت كلمة آخرة 115 مرة
ذكرت كلمة ملائكة 88مرة................ذكرت كلمة شياطين 88مرة
كلمة الناس50 مرة ..............................كلمة الانبياء 50مرة
كلمة صلاح50مرة .............................كلمة فساد50مرة
كلمة ابليس11مرة ................كلمة الاستعاذة من ابليس11مرة
كلمة مسلمين 41مرة...............................كلمة جهاد 41مرة
كلمة زكاة 32مرة...................................كلم� � بركة32مرة
كلمة رجل24مرة.................................... ....كل مة امرأة24مرة
صلوات خمس مرات في القران والفروض اليومية 5 ...
.ذكرت الشهور 12 مرة في القران والسنة12 شهر...
ذكر اليوم 365 مرة في القران وعدد ايام السنة 365 يوم.
ذكرت كلمت كلمة بحر في القران 32 مرة.
.ذكرت كلمة ارض في القران13 مرة
نسبة عدد ذكر الكلمات بالنسبة الى مجموع ذكر عدد كلمتي بحر او ارض:32/(32+13)*100=71.111
نسبة ذكر كلمة ارض بالنسبة لكلمة بحر:13/(32+13)*100=28.888
النسب الفعلية لنسبة مسطح البحر واليابسة للسطح الاجمالي لمسطح كوكب الارض الذي نعيش فيه من معجزات القرآن طبعا أنا صدمت.

.الراجل حللى المشكلة بطريقة فى منتهى البساطة انتوا عارفين ان لو فرضنا ان القرآن اتشال منه سور زى ما أعداء الاسلام بيقولوا..وبعد ماتتشال منه السور..نفاجأ بالاعجاز العددى ده معناه ايه؟؟
معناه ان اللى حرّفوا القرآن..وشالوا منه السور والآيات اللى هم بيفتروها علينا دول عباقرة!!!!عباقرة أكثر من سيدنا محمد نفسه اللى قال الكلام عشان يخلوا القرآن فيه هذا الاعجاز فى الميزان الكلامى.
.وطبعا معاذ الله وبما ان لايمكن ان يكون سيدنا محمد أو أى حد تانى يفضل يحسب الكلام اللى حايقوله فى كتاب ضخم بحيث انه يطلع الاعجاز ده..يبقى ده كلام ربنا بدون شك.
.لازم اللى قال الكلام ده..يكون عارف..ومافيش حد عنده علم أكتر من ربنا سبحانه وتعالى..مش كده ولا ايه؟؟
وطبعا مع أول بصه على السورة..لقيت الآيتين دول
1-آمنوا بالنورين أنزلناهما يتلوان عليكم آياتى ويحذرانكم عذاب يوم عظيم
2-ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..وكرمناه على أهلك أجمعين
وطبعا تلاحظوا ان كلمة "يوم" موجودة فى كل آية مره..يعنى العدد يكون 367..وده يكسر المعجزة.
.طب ياترى ايه الأقرب للتصديق؟؟.ان المعجزة تفضل ماشيه مع باقى المعجزات المذكورة؟؟ولا تتكسر لسبب مشكوك فيه؟؟أنا حاسبلكم الجواب..بس أنا طبعا صدقت ان السورة مزعومة ولاشك وأخيرا وبعد طول غياب..ضحكت من قلبى الموقف كده اتحسن تماما وعايز أنبهكم لحاجة..لو عملوا أى حاجة بحيث انهم مايكسروش الاعجاز ده..أكيد حنكتشف حاجة تانيه يكسروها..القرآن أكتر حاجة متوازنة فى الدنيا ده
ودلوقتى جه وقت انى أقرأ السورة المزعومه ده تانى ياععععععع ايه القرف ده
ولا تشبه القرآن ولا فيها من ريحته..وساعتها حسيت ان الفيل ما الفيل أحسن منها!!!!!!!
آه والله..كل ما ايمانك يزيد..كل لما تاخد بالك من العكّ..طب مانا كنت كويس..ليه دخلت عليا فى الأول؟
؟..الله أعلم..يمكن عشان أمر بالتجربة ده..وأحكيهالكم..فناس تستفيد منها ..الله أعلم وأى سورة دلوقتى مزعومة لما تقع قدامى..أفقسها في ساعتها..بيبان عليه
ا..عارفين ليه؟؟عشان مش شبه القرآن..يعنى مش من مثله وصدق الله العظيم حين تحداهم وقال"فليأتوا بسورة من مثله" وحين قال "انا نحن نزلنا الذكر..وانا له لحافظون"
وساعتها ابتدت سذاجة السور المزعومة تبان..عشان يبان الغرض من وضعها يعنى مثلا.
.السوره اللى بنتكلم عليها ده..المفروض ان الشيعه بيؤمنوا بيها عشان موضوع سيدنا على..طب بصه كده للآية ده ان عليا لمن المتقين..وانا لنوفينه حقه يوم الدين..وما نحن عن ظلمه بغافلين..وكرمناه على أهلك أجمعين
الخطاب موجه لمين؟؟
لسيدنا محمد طبعا عشان بيقللوا"وكرمناه على أهلك أجمعين"..مش كده طب حد يعرف ايه الظلم اللى تعرضلوا سيدنا على "وما نحن عن ظلمه بغافلين" ومخلّى الشيعة زعلانين من السنّيين؟؟
ان بعد وفاة الرسول..الخلافة راحت لأبوبكر,,ثم عمر,,ثم عثمان(رضى الله عنهم جميعا) ..رغم ان سيدنا على كان من آل البيت..وناس كتير كانت شايفة انه أحق واحد بالخلافة ..وده سبب كره كثير من طوائف الشيعه لأبي بكر وعمر
يعنى السبب أو الظلم كان بعد الرسول مايموت..مش قبليها حد لقطتها؟؟حد خد بالو؟؟أنا بحترم ذكاءكم..واللى خد بالو يقول يارب أكون قدرت أوصللكم الجزئيه ده..هى صعبه شويه..بس برده سهله0

وده بقى معاد فتح التوراه(العهد القديم)
عشان أبص فيه أنا كنت عادل كفايه..وكان لازم أدى لكل حاجة حقها..مين عارف..مش يمكن بعد ده كله..برده تكون الكتب ده ماتحرفتش واحنا على باطل؟؟(معاذ الله)؟؟
حاشوف بنفسى..وأنا كنت واثق من حاجة..ان طالما ربنا عايزنا نعبده..يبقى لازم يسهل الطريق علينا لما نيجى ندور عليه يعنى
1-لو القرآن مش صح؟؟يبقى بعقلى المتواضع ممكن أطلع فيه غلطات أو تناقضات أو كلام أهبل وملقيش رد عليه
2-ولو الكتب التانيه مش صح..يبقى بعقلى المتواضع ممكن أطلع فيه غلطات أو تناقضات أو كلام أهبل وملقيش رد عليه
يعنى انشاء الله الموضوع والحق يظهر فى الفترة الجايه
وكان فى الفترة ده معايا كثير من الإتهامات للقرآن..جمعتها من كتابتهم..وماكنتش عارف أرد عليها..بس واحدة واحده..كنت بلاقى اجابات مقنعة..من الشعراوى أو عمرو خالد أو ناس كتير قوى قوى
وانشاء الله فى الآخر خالص..حاخصص حلقة أو أكثر عشان أديلكم أمثلة من الاتهامات ده والرد عليها وده مثال
" وَهُوَ الَّذِي فِي السَّمَاء إِلَهٌ وَفِي الْأَرْضِ إِلَهٌ وَهُوَ الْحَكِيمُ الْعَلِيمُ {84 الزخرف

.كان الاتهام منهم ايه؟؟ فى اللغة العربيه..لما تقول"قابلت الضيف..وأكرمت الضيف"تعرف ان الضيف واحد..لكن اما تقول"قابلت ضيفا..وأكرمت ضيفا" تعرف ان الضيف ده غير الضيف ده.
.طب ازاى القرآن يقول "وَهُوَ الَّذِي فِي السَّمَاء إِلَهٌ وَفِي الْأَرْضِ إِلَه"؟؟؟ مش ده معناه انهم الهين؟؟ وبعترافكم؟؟وبكده تكونوا بتقولوا نفس كلام المسيحين؟ يسوع هو الله فى الصورة البشرية؟؟يعنى اله فى الأرض؟؟
ده كان الاتهام..وعلى فكرة..ده من أقوى الاتهامات..بس الشعراوى بقى الله يرحمه ..لحقنى فيها حبقى أقولكم عليها وعلى غيرها بعدين
ادعولى
لا اله الا الله









حابدأ فى العهد القديم..
يعنى التوراه وأسفار ماقبل عيسى..
يعنى اليهود..وما أدراكم ما اليهود وحقولكم نبذه عن العهد القديم بس أحب أوضح نقطة...الكتاب المقدس محرف..وده مايمنعش ان فيه كثير من الهدى والنور والمعجزات..يعنى لسه فيه ريحة من كلام ربنا الغلط جه من التحريف
نبدأ بقه يتكون العهد القديم من مجموعة ضخمة من الأسفار منها :
(1) أسفار موسى الخمسة وهي : ( التكوين - الخروج - العدد - التثنية - اللاويون) .
(2) الأسفار التاريخية أو أسفار الأنبياء مثل : ( يشوع - القضاة - راعوث ....وغيرها ) وهي تسعة أسفار.
(3) أسفار السبي وهي : ( عزرا - نحميا - أستير ).
(4) الأسفار الشعرية وهي : ( أيوب - المزامير - الأمثال - الجامعة - نشيد الأناشيد) .
(5) الكتب النبوية أو التنبوآت وهي : ( اشعياء - ارميا - مراثي ارميا - حزقيال - دانيال )
(6) الأنبياء الصغار ومنها : ( هوشع - عاموس - زكريا - حبقوق - يونان ) وهي إثنا عشر سفرا.
ويجب الاشارة هنا ان اليهود يؤمنوا بالخمسة أسفار الأولى المنسوبة الى موسى..وبعض الطوائف السامرية تزيد عليها سفر يشوع

وبدأت القراءة..اللغة هى العربية طبعا..والأسلوب قد يضحكك أحيانا..ولكنى التمست العذر لذلك..عشان اللغة الأصلية عبرانية..وأنا معرفش عبراية..ويمكن يكون القراءة باللغة العبرية ليها تأثير مختلف تماما زى لما تيجى تقرأ القرآن بلغة تانية..ماتحسش فيها بسجع ولاقافية..عشان لغته الأصليه عربيه بس والله..وأنا قرأت كثير من القرآن بالانجليزية..له قدسيته..حتى وهو بلغة أجنبية..اسمعوا كده

God is He Who raised the heavens without any pillars that ye can see; is firmly established on the throne (of authority); He has subjected the sun and the moon (to his Law)! Each one runs (its course) for a term appointed. He doth regulate all affairs, explaining the signs in detail, that ye may believe with certainty in the meeting with your Lord.
الرعد(2)؟
} اللّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ثُمَّ اسْتَوَى عَلَى الْعَرْشِ وَسَخَّرَ الشَّمْسَ وَالْقَمَرَ كُلٌّ يَجْرِي لأَجَلٍ مُّسَمًّى يُدَبِّرُ الأَمْرَ يُفَصِّلُ الآيَاتِ لَعَلَّكُم بِلِقَاء رَبِّكُمْ تُوقِنُون

حتى بالانجليزى..فيه حاجة تخوف..سبحان الله
التمست العذر للغةاللى بقرأ بيها التوراه وقريت..أول حاجة خالص..

سفر التكوين وأول مره ألاحظ الى حاقولوا ده..مافيش كلمة واحده فى أسفر موسى كلها(وفى باقى الكتاب المقدس)..تقول ان ربنا هو اللى قال..أو ان موسى هو اللى قال!!!!!!!!!!!!!!!!!!!؟كله بصيغة الحكاية..يعنى فيه واحد بيحكى.!!!؟
خلق الله..فعل الله..قال الرب لموسى..قال موسى للرب..!!!! طب كلمه واحده حتى تدل على ان القائل هو الله..مافيش!!!!!!كله بصيغة الغائب..وكله بصيغة الحكاية
احنا عندنا آيات كتير فعلا فيها الكلام عن الله بصيغة الغائب(الله لا اله الا هو الحو القيوم) مثلا بس صيغة الكلام واضحة..والسياق باين منه ان الله قائا هذا الكلام..وبعدين من قوة اللغة العربية..انك بعض الأحيان تتكلم بصيغة الغائب وتكون تقصد نفسك يعنى مثلا..لما تحب تشتم نفسك ..وتكون عايز تسيب اقناع أكبر فى اللى بيسمعك..فأسلوب الغائب أفضل من ضمير المتكلم
"حسام جبان..حسام محطم..حسام وغد..حسام انتهى..حسام زفت"وهكذا..ده أكثر اقناعا من انك تقول أنا كذا وأنا كذا..هل ده معناه ان المستمع حيفهم حسام تانى؟؟؟؟؟؟؟؟؟
مثال تانى لما يكون فيه واحد انت نصحته بنصيحه وهو معملش بيها..واطّربقت على دماغه.... لو حبيت تلومه,,مش لما تقوله(الكلام ده اتقالك قبل كده)..فيها تهكم أكتر من لمل تقول له(انا قلتلك)؟؟؟
وانت ساعتها لما تقولوا كده حايفهم علطول انك بتفكروا انك نصحته وهو ده الأسلوب القرآنى الذى نوع بين اسلوب الغائب وضمير المتكلم..لمزيد من القوة والاقناع..سبحان الله الذى بيده زمام الأمور..فما بالك لو كان الله هو القائل!!!؟؟؟؟؟؟
لكن الوضع فى التوراه مختلف..كله بصيغة الغائب..وحتى لو لقي حاجة بصيغة المتكلم ..حتلاقيها بتقول..يعنى مثلا

18ثُمَّ قَالَ الرَّبُّ الإِلَهُ: "لَيْسَ مُسْتَحْسَناً أَنْ يَبْقَى آدَمُ وَحِيداً. سَأَصْنَعُ لَهُ مُعِيناً مُشَابِهاً لَهُ تكوين(2\1
بيتهايألى فاهمنى ومن هنا ورايح..كل الدنيا ماشيه كده...قال فعل كان هو ...حتى موسى الذى من المفترض انه دوّن هذا الكتاب..لم يقل كلمة بلسانه مثلا

11وَحَدَثَ بَعْدَ أَنْ كَبُرَ مُوسَى أَنَّهُ ذَهَبَ لِيَفْتَقِدَ إِخْوَتَهُ الْعِبْرَانِيِّينَ وَيَشْهَدَ مَشَقَّتَهُمْ، فَلَمَحَ رَجُلاً مِصْرِيّاً يَضْرِبُ رَجُلاً عِبْرَانِيّاً، 12فَتَلَفَّتَ حَوْلَهُ، وَإِذْ لَمْ يَجِدْ أَحَداً هُنَاكَ قَتَلَ الْمِصْرِيَّ وَطَمَرَهُ فِي الرَّمْلِ. خروج(2\11)

ما هذا؟؟؟من قائل هذا الكلام؟؟ ومن الذى يحكى؟؟؟ كان يكفينى أن اكتفى بهذه النظرة السطحية..لأقول هذا ليس كلام الله..ولكن لم أرد أن أكون ظالما أنا بدور على ايه؟؟غلطات.. تناقضات..كلام أهبل..أصبر شويه..يمكن برده يبقى هو كلام ربنا اللى متحرفش وفي أول صفحة من التوراه..لقيت أول تناقض ممكن يتشاف بالعين المجرده..من غير دراسات ولايحزنون الأسفار مرتبة تريب زمنى ..وتقدر تقولوا عليها كتب تاريخ أكثر منها كتب للموعظه والتحذير من الآخرة...
على فكرة..التوراه كلها بجلالة أدرها..مافيهاش سيرة للآخرة..ولا للجنة والنار ولا العذاب والعقاب والثواب ولاحاجة..اليهود مؤمنين بايه؟؟؟مش عارف أول حاجة..بدأ بخلق السماء والأرض..ومفصلهم يوم يوم ولاحظوا انتم معايا

اليوم الأول : النور"3أَمَرَ اللهُ : "لِيَكُنْ نُورٌ". فَصَارَ نُورٌ، 4وَرَأَى اللهُ النُّورَ فَاسْتَحْسَنَهُ وَفَصَلَ بَيْنَهُ وَبَيْنَ الظَّلامِ. 5وَسَمَّى اللهُ النُّورَ نَهَاراً، أَمَّا الظَّلامُ فَسَمَّاهُ لَيْلاً. وَهَكَذَا جَاءَ مَسَاءٌ أَعْقَبَهُ صَبَاحٌ، فَكَانَ الْيَوْمَ الأَوَّلَ"

خلاص؟؟يعنى نفهم من كده ان الشمس اتخلقت..أمال النور جه منين؟؟؟ طب بصوا بقه

فى اليوم الرابع
(16وَخَلَقَ اللهُ نُورَيْنِ عَظِيمَيْنِ، النُّورَ الأَكْبَرَ لِيُشْرِقَ فِي النَّهَارِ، وَالنُّورَ الأَصْغَرَ لِيُضِيءَ فِي اللَّيْلِ، كَمَا خَلَقَ النُّجُومَ أَيْضاً. 17" )

ايه الأنوار ده كلها؟؟يعنى ايه؟؟لو الشمس والقمر اتخلقوا دلوقتى..طب ايه اللى كان فى اليوم الأول على فكرة...مايهمنيش صحة النقد للجزئية ده..أنا اللى هممنى..انى فعلا بعينى المجرده..ومن أول خبطة زى مابيقولوا..وصلت لتناقض ظاهر يجب السؤال عنه وتوالت الأحداث...مئات ومئات من الأسئلة التى تواجهنى..ولكن بدون جواب طبعا مش حاعرض أى حاجة فيها..غير بعض الحاجات المؤثرة وخلاص..من هناورايح..مش حاتكلم عنى كتير..الصورة بدأت تتضح فى خيالى..6 شهور من قراءة الكتاب المقدس..كفاية قوى لواحد بيدور على الحق..انه يحكم
واسعداه...وافرحتاه..الحمد لله ماتفتكروش ان الموضوع خلص..لالالالالالالالالالال ا...لسه بدرى قوى..بس اللهجة حاتختلف شويه من واحد شاكك..لواحد واثق...لسه الغرض الرئيسى من كتابة الرحلة ده ماتحققش..وهو انى اقنع المسلمين اللى شاكين فى نفسهم..ده بقة محتاج كلام كتير خليكوا معايا..عشان كده فعلا أقدر أقول..ان الجد حايبدأ
بس دلوقتى بقة معاد حاجة تانيه خالص

السفينة سفينة سيدنا نوح فاكرينها؟؟؟عمرها ماراحت من دماغى..وكان لسه السؤال ..ازاى..تكون على أراراط..والقرآن قال الجودى؟؟؟؟وطبعا مع الفرحة الايمانبة اللى أنا كنت فيها ده..ماكانش ربنا حايسبنى كده وبالصدفة البحتة..لقيت الحل وتخيله لقيته فيين؟؟فى موقع تبشير!!!!!!!!!!!؟
واحد أكيد يهودى عامله...بس ماكنش واخد باله من حتة جبل الجودى طبعا مش حاقلكم على اسم أى موقع من المواقع ده..أنا مش ناقص بلاوى
ولقيت الكلام ده

However, the video "The Discovery of Noah's Ark" presents evidence that you can visit the remains of Noah's ark today in Turkey, in the mountains of Ararat, 17 miles South of Mt. Ararat at the base of Mt. Judi (Al Judi),

أعتقد الكلام مفهوم أراراط ده سلسلة جبال.من ضمنها جبل الجودى والسفينة موجودة عند جبل الجودى تماما يعنى القرآن كان أكثر دقة فى تحديد المكان..التوراه صح..ومعنديش مانع انى أعترف انه صح..وزى ماقلتلكم..لسه فيه ريحه من كلام ربنا ونراجع تانى

(ّوَاسْتَقَرَّ الْفُلْكُ عَلَى جِبَالِ أَرَارَاطَ فِي الْيَوْمِ السَّابِعَ عَشَرَ مِنَ الشَّهْرِ السَّابِعِ لِلطُّوفَانِ)
تكوين(8\4)ّ
يقول تعالى(ّوَقِيلَ يَا أَرْضُ ابْلَعِي مَاءكِ وَيَا سَمَاءأَقْلِعِي وَغِيضَ الْمَاء وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ) سورة هود
سبحانك يا الله..ماخلقت هذا باطلا...قد يتساءل البعض..ليه هنا يقول أراراط..وهنا يقول الجودى؟؟مع العلم ان الاتنين صح؟؟عشان تبقى الغلبة للقرآن فى النهايه..ده وجهة نظرى ياجماعة اللهم أنت مقلب القلوب..ثبت قلوبنا على دينك وهنا أحب أقول حاجة للأستاذ المسلم اللى بعتلى ال إى ميل..وموضحش كل الحقائق..الله يسامحك ياشيخ

اللعب بالألفاظ ياجماعه..اوعوا تلعبوا بيها..عشان تبثوا فكرة غلط حتى لو كانت لصالح الاسلام
ماتنسوش..الجد حايبدأ..والردود حاتبدأ..واللى مش واثق فيكم فى الاسلام..عندى ليه مفاجأة صاعقة

ادعولى لو سمحتم..ده طلبى الوحيد..ادعوا من قلبكم لو سمحتم
لا اله الا الله








تخيلوا ان موضوع اختيار العنوان بتاع الحلقة ده مش حاجة سهلة!
وصلنا لحد فين؟؟؟
اه الموقف دلوقتى رائع...كل حاجة وضحت أمامى..التناقضات والأخطاء الى هما مطلعنها فى القرآن وكنت مجمعها عشان ماكنتش قادر أجاوب عليها تنهار واحدة ورا التانية وكل يوم أعرف حاجة جديدة والتناقضات اللى أنا طلعتها بنفسى وبعينى المجردة من الكتاب المقدس..مش لاقيلها اجابات مقنعة الى الآن وفجأة..
لقيت مناظرة...فاكرين المناظرة بتاعة زمان اللى فتحت عليا أبواب الجحيم؟؟ يااااااااااااه...المناظرة..� �اكرينها بتاعة أحمد ديدات..لقيتها..ولقيت واحدة غيرها..الأتنين لأحمد ديدات طبعا وأحب أعرفكم بأحمد ديدات..الله يرحموا..ده راجل جنوب أفريقى(أبيض)..له وجه فى بشاشة وجه الشعراوى رحمه الله..ذو لحية بيضاء..وجبهه ذات نور واضح دخل فى سراديب النصارى..واكتشف ألاعيبهم..ودرس دينهم أفضل منهم..وحفظ كتبهم كان عبقرى بالفعل فى اختياره للنقاط التى يستطيع ان يجادل فيها وكان عبقريا أكثر فى الرد على الاتهامات من الآخر..كان أسطورة
قعدت تانى أتفرج على المناظرة الأولى..بس بعقلية تانية خالص...عقلية واحد فاهم على الأقل ايه الى بيتقال وكانت رائعة..فعلا رائعة..الموضوع أصبح الآن مفهوم تماما و الغريب..ان التناقضات اللى ديدات قالها..غير اللى أنا طلعتها بعينى؟؟ولما شفت المناظرة..صعقت...اكتشفت مفاجأة غير طبيعية الغرب وخاصة الأمريكان..يعلمون جيدا..ان الكتاب المقدس فيه كثير من التعديلات..لا ومش كده وبس..دول بيعدلوا فيه لو استوجب الأمر!!!!!!!!!!!!!!!!!
طبعا بتسألوا "ازى يكونوا عارفين كده..وفى نفس الوقت مؤمنين ان ده كلمة الرب؟!!؟
ده مسألة بتخضع لحاجتين
1-العادات والقيم: بمعنى ايه..معنى ان احنا كعرب..عارفين ان الكتاب لو فيه كلمة واحدة محرفة..يبقى الكلام مش بتاع ربنا..عشان كده المسيحين العرب دايما يمسكوا فى حتت انه مش محرف اما الغرب..فا النقطة ده ماتهمهمش..مافيش مشاكل ان احنا ندخل تعديلات على كلام الله لو اقتضى الأمر..المهم ان المعنى مايتغيرش بقدر المستطاع وده النقطة اللى كان ديدات بيحاول يلعب عليها..ان يصحى الناس من النقطة ده..ويثبتلهم ان طالما فيه تعديل..يبقى مش كلام ربنا
2-الكتاب المقدس نفسه:
فكثيرا ما نقرأ "وَرَأَى الرَّبُّ أَنَّ شَرَّ الإِنْسَانِ قَدْ كَثُرَ فِي الأَرْضِ، وَأَنَّ كُلَّ تَصَوُّرِ فِكْرِ قَلْبِهِ يَتَّسِمُ دَائِماً بِالإِثْمِ، 6فَمَلأَ قَلبَهُ الأَسَفُ وَالْحُزْنُ لأَنَّهُ خَلَقَ الإِنْسَانَ
تكوين(6\5)
"أَمَّا الرَّبُّ فَقَدْ أَسِفَ لأَنَّهُ أَقَامَ شَاوُلَ مَلِكاً عَلَى إِسْرَائِيل صموئيل الأول(15\35) "
وهكذا

تعليق على آخر جزء...نجد فيه أن الرب أوحى لكاتب هذا السفر أنه ندم...ولكن قبلها مباشرة وفى نفس الصفحة..نجد"28فَقَالَ لَهُ صَمُوئِيلُ: "يُمَزِّقُ الرَّبُّ مَمْلَكَةَ إِسْرَائِيلَ عَنْكَ وَيَهَبُهَا لِمَنْ هُوَ خَيْرٌ مِنْكَ. 29 فَإِنَّ قُوَّةَ إِسْرَائِيلَ (أَيِ اللهِ) لاَ يَكْذِبُ وَلاَ يَنْدَمُ. لَيْسَ هُوَ إِنْسَاناً حَتَّى يُغَيِّرَ رَأْيَهُ "صموئيل الأول(15\2 أى أنه لايندم
ده حاجة كده على الماشى..

نكمل كلامنا يعنى المهم انهم متقبلين فكرة ان ربنا يغلط(معاذ الله)ويندم على ما فعل وهى نسخة تاريخية قديمةking j version وللإختصار..kjv .فنجد مثلا أن أشهر ترجمات الكتاب المقدس..هى نسخة الملك جيمس ولكن أفاجأ بأن هناك نسخة أكثر شهرة..وهى النسخة القياسية المنقّحة ..أو Revised standard version ونلاحظ من الإسم..أنها منقحة..هكذا بمنتهى البساطة..منقحة قد لايعرف كثيرين من المسيحين العرب هذا الكلام الغرب ينقحون كلام الله..ويزيدون وينقصون كما يشاؤون!!!!!!؟
وقد استشهد ديدات فى هذا الكلام بأقوال لكاتبى النسخة أنفسهم..وكثير من المبشرين..وعرض قصيقصات الأوراق من الجرائد والمجلات..وذكر عناوينها وتواريخ الأعداد..(عشان محدش يقول انه بيتكلم من دماغه(زى ما فيه ناس بتقول عليا دلوقتى)) التى أخذ منها الكلام!!!!!!!!!!؟
فمثلا..كانت هناك احدى المبشرات تقول"ان الذين دونوا كلمات الرب فى العصور القديمة والوسطى..قاموا بعملهم فى أغلب الأحيان..بدقة مدهشة(فى أغلب الأحيان)..ولكن الرب لم ير داعيا فى أحيان أخرى..أن يقيهم شر الخطأ"؟؟؟؟؟
هذا كلام احدى المبشرات الأجانب..هم يدركون هذه الحقيقة فعلا..ولا تمثل لديهم مشكلة..لذلك من الصعب اقناعهم...فعليك اقناعهم أولا..أن كلمة الله يجب أن تكون محفوظة

وسأفجر القنبلة التى فجرها ديدات الآن..والتى أمهد لها منذ البداية

أمسك النسخة القياسية المنقحة قرأ فى مقدمتها التى لم يقرأها أحد..أن الصعود قد تم حذفه من النسخة لأن العلماء الذين نقحوا هذه النسخة(52 من أرفع علماء المسيحية قدرا) قد اكتشفوا انه تلفيق والصعود مذكور فى النسخة العربية مرتين حسب ما قرأت

1-"19ثُمَّ إِنَّ الرَّبَّ، بَعْدَمَا كَلَّمَهُمْ، رُفِعَ إِلَى السَّمَاءِ، وَجَلَسَ عَنْ يَمِينِ الله مرقس(16\19)
2-"51وَبَيْنَمَا كَانَ يُبَارِكُهُمْ، انْفَصَلَ عَنْهُمْ وَأُصْعِدَ إِلَى السَّمَاء "لوقا(24\51)

وقبل أن يكتشف أحد هذا الزيف..كانوا قد حققوا ربحا قدره 15 مليون دولار ثم أمسك نسخة أخرى..هى هى نفس النسخة..ولكن طبعة حديثه..وصاح فى مناظره..هل ترى اختلافا؟؟؟كلا..ولكن افتحها..ستجد الصعود قد أعيد مرة أخرى للنص!!!!!!!!!!!!!؟
ماحذف قد أعيد بمنتهى البساطة..ولماذا؟؟
افتح المقدمة التى لا يقرؤها أحد..ولايفهمها البسطاء ولايعيروها اهتماما..ستجد ان هناك اثنان من الطوائف الكنسية..قد نهروهم بشدة ليعيدوا الصعود الى النص..والا سيقوموا بحملة ضد هذه النسخة .لاتشتروها ..اشتروا نسخة الملك جيمس!!!!!!!؟ أرأيتم اللعبة؟؟؟دانا طلعت مش فاهم حاجة
الموضوع كبير جدا جدا جدا صحيح..أنا اتعودت انى مصدقش أى حاجة..ووصلت لدرجة انى عشان أصدق يبقى لازم أمسك النسختين بايدى بس الراجل قال كلام كتير صادق أنا أتأكدت منه ده حاجة..وحاجه تانية ان الراجل التانى مردش على الكلام ده اطلاقا..وكأنوا فوجئ وحاجة كمان..انه كلام واقعى جدا جدا جدا..ولا يستبعد اطلاقا فى المجتمع الغربى

يعنى ديدات أثبت التحريف بطريقة غريبة شوية..بس عبقرية..عن طريق كلام الناس اللى حرفت نفسها وختم ديدات هذه الجزئية بهذه الآيه
"} فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَـذَا مِنْ عِندِ اللّهِ لِيَشْتَرُواْ بِهِ ثَمَناً قَلِيلاً فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُمْ مِّمَّا يَكْسِبُونَ"{79}البقرة
وطبعا الثمن القليل ده هو ال 15 مليون دولار و حتي و لو 10000000000000000000 دولار..برده قليل....(مش قوى بهزر طبعا) يعنى الموضوع مش تصيد أخطاء فى النصوص وبس..لأ..ده فيه سياسة داخلة
في واحد صاحبى قاللى انت كده بتساعد فى عمل فتنة أنا مش عارف ايه رأيكم؟؟هل انى أحكى تجربتى بعمل فتنة؟؟؟هل انا غلطت في حد؟؟؟هل أنا افتريت على حد؟؟هل أنا جبت كلام من برّه الكتاب المقدس وقلت ده كتابهم؟؟هل حد جه ناقشنى وانا قلتله لأ؟؟
أنا مش عايز حتى غير المسلمين انهم يقروا الكلام ده..أنا عايز المسلمين هم اللى يقروه افتحوا المواقع اللى بتشتم الاسلام والمسلمين فى كل حتة.وبتتهم رسولنا بأبشع التهم حاقلكم كلمة قالتهالى واحدة صاحبة ماما مسيحية قالتلى زمان ماكنش فيه الكلام ده..ماكناش بنفكر فى دين أساسا فى السبعينات..كنا شباب بايظ..كنا كلنا كفره صحيح بس كنا حبايب انتوا بقة ياشباب اليومين دول..اليهود دخلوا مابنكم عشان يبوظوا الدنيا أنا طبعا ماحكتش الحكايه ده ليها..بس قلتلها مرة كده..هو انتوا عندكوا حجاب؟؟(أصلها لابسة طرحة على راسها علطول)

وأنا مثلا..أثناء دراستى هذه..أو فى عزها بمعنى أصح..كنت بأدي فترة تدريبى مع واحد صاحبى مسيحى..ولم تتأثر علاقتنا الى الآن
وأتذكر..أن أعز صديق لأخى أثناء دراسته فى كلية الصيدلة..كان مسيحيا..وجه مرة بات عندنا فى البيت 4 أيام حضر فيهم فرح لأحد أقاربى..ورقص لما اتقطع نفسه مع أخويا(وهو مايعرفش حد فى الفرح)بس بيجامل أخويا مش أكتر يا ناس خدوا بالكم من اليهود..هم اللى عاملين الحساسية الحالية..وهم بيجيدوا اللعب النفسية ده وعشان أنا بوجه كلامى للمسلمين..فبقولهم..ادعوا على كل واحد كتب كلمة فيها شتيمة للإسلام..ولسيدنا محمد..الله يحرقهم بجاز
بس ادعوا لأى حد تانى وخاصة فى مصر بالهداية..سواء مسيحى بوذى يهودى شمنورى(لو كان فيه حاجة اسمها شمنورى) كده أنا بعمل فتن؟؟؟ربنا يهدى الجميع
كانت حلقة حلوة مش كده مش قلتلكم الجد حايبدأ ربنا يستر
استنونى فى الحلقة الجاية
لا اله الا الله










احنا واقفين فين؟؟عند المناظرة وحالتى النفسية زى الفل..انتهت الشكوك..وجاء الدور على البحث عن اجابات على الشبهات حول القرآن..لابطالها
طبعا انتوا بتقولولي طيب..فين تجربتك.امتى اقتنعت بالقرآن بالتحديد..وايه أسباب عدم اقتناعك بالكتاب المقدس؟؟ كله حايتقال انشاء الله بس النهاردة بقة..أنا حاكلمكم على حاجة غريبة شوية

اقرؤا معى هذا

هُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَمَّا تَغَشَّاهَا حَمَلَتْ حَمْلاً خَفِيفًا فَمَرَّتْ بِهِ فَلَمَّا أَثْقَلَت دَّعَوَا اللّهَ رَبَّهُمَا لَئِنْ آتَيْتَنَا صَالِحاً لَّنَكُونَنَّ مِنَ الشَّاكِرِينَ
(الأعراف 189)

وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ قَالَ مَعَاذَ اللّهِ إِنَّهُ رَبِّي أَحْسَنَ مَثْوَايَ إِنَّهُ لاَ يُفْلِحُ الظَّالِمُونَ {23} وَلَقَدْ هَمَّتْ بِهِ وَهَمَّ بِهَا لَوْلا أَن رَّأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ {24} وَاسُتَبَقَا الْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى الْبَابِ قَالَتْ مَا جَزَاء مَنْ أَرَادَ بِأَهْلِكَ سُوَءًا إِلاَّ أَن يُسْجَنَ أَوْ عَذَابٌ أَلِيمٌ {25

طبعا سورة يوسف

ايه رأيكم فى الآيات ده؟؟هى ده لغة القرآن فى الحديث عن مثل هذه الأمور
والسؤال الآن..هل فى هذه العبارات ما يخجل؟؟هل فيها أى شئ من الاباحية؟؟
الا يعطيكم هذا انطباع ان قائلها يستحى؟؟
انه خجول؟؟
انه منزه عن ان ينخرط فى مثل هذا الكلام بلا حدود؟؟
هل لغة هذا الكلام بذيئة أو مخجلة؟؟
سأترك لكم الاجابة..ولكن أريد أن أقول.أن هذه هى لغة القرآن فى التعبير عن هذه المواقف

سأحكى لكم عن تجربة علمية صحيحة التجربة تتلخص فى أن أحد علماء النفس أثبت بم لا يدع مجال للشك من خلال تجاربه على ناس من جميع المراحل السنية وخاصة الصغار..أن نوعية القراءات التى يقرؤونها..وخاصة اذا كانت قصصا..انها تترك تأثيرا ولو كان طفيفا فى شخصيتهم..وهذا التأثير تأثير دائم..أى الى الأبد..حتى وان لم تشعر بذلك
وعلى فكرة ياجماعة..التجربة ده صحيحة فعلا..التأثير دائم

لو فيه حد منكم تعامل معايا..حيلاحظ انى مش غريب عليه فى مواقف كتيرة..واذا كان من هواة العجوز رفعت اسماعيل فسيعرف السبب وفى مواقف أخرى..قد يجدنى أشبه فلانا أو علانا وأصبحت شخصيتى هى مجموعة من الشخصيات المختلفة..كا واحدة تظهر فى الموقف الذى يجب أن تظهر فبه..حسب نوع هذه الشخصية وأسلوبها ولم يبقى من شخصيى الأصلية الكثير..وأحمد الله على هذا هذا التغيير غير مقصود..ولكنه حدث من تأثرى بقصص الروايات أو أبطال الأفلام والتأثير تعدى الى أسلوب الكلام أيضا !!

كل ما أريد أن أقوله.أن ما تقرأه..يؤثر على سلوكك تأثيرا دائما ولو كان طفيفا
تخيلوا معى اثنان..واحد يقرأ كتبا فيها ألفاظ وكلام اباحى..دون أن يدرى أنه كذلك..والآخر يقرأ كتبا خالية من هذا..وفيها وعظ وارشاد بكلام محترم والاثنان وضعا فى موقف صعب قد يغضب الله..أيهما أقرب من الوقوع فى الخطأ؟؟أيهما أقرب أن تكون أخلاقه حسنة؟؟سأترك لكم الاجابة ما الغرض من هذا الكلام؟؟ الغرض انك حتما حينما تقرأ فى كلام الله..فان سلوكك حتما سيتغير..حتى ولو كان تغيرا طفيفا
ما السبب فى هذه الاباحية فى المجتمع الغربى؟؟اباحية فى كل شئ ..قصص..أفلام..مسلسلات..روايات ..فن..أدب
ترى ما السبب حسنا ..

اقرؤا معى هذا

وَعَاشَرَ آدَمُ حَوَّاءَ زَوْجَتَهُ فَحَبِلَتْ، وَوَلَدَتْ قَايِينَ إِذْ قَالَتْ (تكوين 4\1)
وَعَاشَرَ قَايِينُ زَوْجَتَهُ فَحَبِلَتْ وَأَنْجَبَتِ ابْناً دَعَاهُ "حَنُوكَ"(تكوين 4\17)
وَعَاشَرَ آدَمُ زَوْجَتَهُ حَوَّاءَ مَرَّةً أُخْرَى فَأَنْجَبَتْ لَهُ ابْناً أَسْمَتْهُ "شِيثاً" (تكوين 4\25)
فَعَاشَرَ هَاجَرَ فَحَبِلَتْ مِنْهُ(تكوين 16\4)
فَقَالَتْ لَهُ: "هَا هِيَ جَارِيَتِي بِلْهَةُ، عَاشِرْهَا فَتَلِدَ وَيَكُونَ لِي مِنْهَا بَنُونَ"(تكوين 30\2)
إِذاً يُعَاشِرُكِ اللَّيلَةَ لِقَاءَ لُفَّاحِ ابْنِكِ(تكوين 30\15)
فَعَاشَرَهَا فِي تِلْكَ اللَّيْلَةِ(تكوين 30\16)
فَمَالَ نَحْوَهَا إِلَى جَانِبِ الطَّرِيقِ وَقَالَ: "دَعِينِي أُعَاشِرُكِ". وَلَمْ يَكُنْ يَدْرِي أَنَّهَا كَنَّتُه (تكوين 38\16)
فَأَعْطَاهَا مَا طَلَبَتْ، وَعَاشَرَهَا فَحَمَلَتْ مِنْهُ(تكوين 38\1

أتدرون ما هذا؟؟..
هذا فقط مجرد اشارة لمواضع كلمة (عاشر) فى السفر الأول من الكتاب المقدس السفر الأول من ال 39 سفرا فى التوراه أو العهد القديم
لم أشر الى مواضع الزنا والمضاجعة والنجاسة ولن أشر..
كل هذا فى السفر الأول فقط كل الدنيا كده قولوا لى بالله عليكم ماذا يحدث لشخص يقرأ كتابه المقدس الذى يؤمن به..ولا تمر ثلاث صفحات الا وسمع عن زنا أو معاشرة أو نجاسة أو مضاجعة؟؟حتى لو كان يسمع عن عقابا..فإنه بذلك باللغة العامية أستطيع أن أقول..ياخد على الكلام ده ياجماعة..ده بس فى السفر الأول..وده مجرد كلام بسيط..ومش حزود عن كده

أنا كده بشتم فى حد؟؟أنا بقول حاجة غير الحقائق؟؟عشان كده ماتستعجبوش ان العالم الغربى بالشكل ده
وحاقلكم حكاية من التوراه :-وَذَاتَ يَوْمٍ ذَهَبَ شَمْشُونُ إِلَى غَزَّةَ حَيْثُ الْتَقَى بِامْرَأَةٍ عَاهِرَةٍ فَدَخَلَ إِلَيْهَا (قضاة 16\1)
طبعا سمعتم عن شمشون البطل اليهودى هاهو فى عز مغامراته وحروبه ضد الفلسطينيين كالعادة..يذهب الى غزة..حيث يلتقى مع عاهرة..ويدخل اليها
والسؤال الآن..ترى لماذا دخل شمشون الى عاهرة؟؟
طبعا لكى يصلى ويقضى الليل معها يسبح ويهلل للرب!!!!!!!!!!!!!؟
طب بزمتكم..مش ده اللى بيعملوا جيمس بوند؟؟؟يحارب ويقاتل..ثم يقابل فتاه جميلة..فيقضى ليلة ساخنة معها ويسأل البعض..من أين استوحى مؤلف روايات جيمس بوند هذه الفكرة؟؟انها من الكتاب المقدس ولاريب!!!!!!!!!؟
على فكرة..قصة شمشون ده واحده من عشرات القصص التى يزخر بها العهد القديم..وهناك قصص لا أستطيع كتابتها هنا
وخدوا عندكم ده
فليفتح أحدكم سفر حزقيال..الإصحاح 23..ويقرأ حكاية دعارة الأختين أهولة وأهوليبة أنا لن أكتبه هنا..فما يزال لدى بعض الحياء الذى يمنعنى أن أذكر هذا الكلام على الملأ

ولكن ابحثوا عنها ..قولولى..ما رأيكم؟؟
أتعرفون كيف ينشط الاحساس بالغريزة الجنسية علميا؟؟
انه تفاعل كيميائى فى المخ ينشط عند التعرض لمؤثر..سواء كان هذا المؤثر مسموع أو مرئى أو مكتوب أو حتى خيال
اقرؤا (حزقيال 23) وقولوا لى ما رأيكم؟؟
قولوا لى..هل تواتيكم الجرأة أن تقصوا هذه القصة على اخواتكم أو امهاتكم؟؟
ان اللغة اخوانى بزيئة للغاية..فاسقة لابعد الحدود..لاتصدر من الله ولاشك

وأعود أذكركم بالقرآن..أذكركم بأكثر آية تتعرض لمثل هذه المواقف برأى العلماء
هُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا فَلَمَّا تَغَشَّاهَا حَمَلَتْ حَمْلاً خَفِيفًا فَمَرَّتْ بِهِ فَلَمَّا أَثْقَلَت دَّعَوَا اللّهَ رَبَّهُمَا لَئِنْ آتَيْتَنَا صَالِحاً لَّنَكُونَنَّ مِنَ الشَّاكِرِينَ
(الأعراف 189)
ما رأيكم؟؟
حتى فى قصة سيدنا يوسف
بمجرد أن يسرح خيالك عند قوله تعالى"وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ"
فتجد القول التالى مباشرة لكى يقطع عليك حبل خيالك
قَالَ مَعَاذَ اللّهِ إِنَّهُ رَبِّي أَحْسَنَ مَثْوَايَ إِنَّهُ لاَ يُفْلِحُ الظَّالِمُون"وبمجرد أن تفكر فى قوله
وَلَقَدْ هَمَّتْ بِهِ وَهَمَّ بِهَا"
فتجد مباشرة..مباشرة قوله تعالى"لَوْلا أَن رَّأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ "هذا هو فرق اللغة اخوانى

لاتقولوا لى ان الوضع سيكون مختلف فى اللغة الأصلية للكتاب المقدس..اقرؤا أولا (حزقيال23)ثم قولوا هذا الكلام وأحب أن أقص لكم قصة قصها أحمد ديدات

فى الستينات..ظهر فى الأسواق كتيب صغيرفى جنوب أفريقيا..هاج العامة عليه..وقالوا امنعوا هذا الكتاب المنحل وبالفعل عقدوا لجنة لبحث هذا الكتاب..وتوصلوا بالفعل الى سحب هذا الكتاب البذئ من الأسواق وبعد ذلك..فطنوا لأن ما منعوه..كان عبارة عن مقطتفات من الكتاب المقدس..وهو بالطبع هذا الجزء الذى أحيلكم اليه
ما من قس أو حاخام يستطيع أن يقرأ هذا الجزء على رعاياه..على الأقل حتى يظهر بمظهر الورع والخجل هل هم أكثر ورعا وخجلا من الله تعالى؟؟بالطبع لا
ما الذى يجعل الله تعالى ينحرف عن الطريق ويوحى اليهم مثل هذا الكلام؟؟
ما الذى يجعل الله يوحى فى كتابه ويملى 5 حالات من زنا المحارم!!!!!!!؟؟؟
نعم زنا المحارم الأخ مع أخته..والبنت مع أبيها..والأب مع زوجة ابنه
ويصفها بتفصيل غريب!!!!؟ لن أكثر من هذا الكلام..كنت فقط أريد أن أريكم..لماذا لم أقتنع بأن الكتاب المقدس غير محرف؟؟هل أنتم مقتنعين معى؟؟هل لديكم تعليق؟؟
هل علمتم سبب انحلال الغرب؟؟هل علمتم سبب وصول معدل زنا المحارم فى أمريكا الى 12% من نسبة السكان فى عام 84؟؟انهم يتأثرون بم يقرؤون..كما شرحت لكم هذه الحقيقة العلمية يعنى بمنتهى البساطة لمل الاقى ربنا مش بيخجل بالشكل ده ولله المثل الأعلى..يبقى أنا ايه اللى يخلينى أخجل؟؟فاهمين الفكرة والسؤال الآن..لماذا توضع مثل هذه الكلمات فى كلام الله؟؟يعنى حتى اللى عايز يحرف يقول كلام عدل شوية!!؟
طبعا الاجابة على السؤال ده مش واضحة..بس فى الغالب الأهداف السياسية بتدخل فى الأمر ده يعنى مثلا خدوا ده

30وَغَادَرَ لُوطٌ وَابْنَتَاهُ بَعْدَ ذَلِكَ صُوغَرَ، وَاسْتَقَرُّوا فِي الْجَبَلِ لأَنَّهُ خَافَ أَنْ يَسْكُنَ فِي صُوغَرَ. فَلَجَأَ هُوَ وَابْنَتَاهُ إِلَى كَهْفٍ هُنَاكَ. 31فَقَالَتْ الابْنَةُ الْبِكْرُ لأُخْتِهَا الصَّغِيرَةِ: "إِنَّ أَبَانَا قَدْ شَاخَ وَلَيْسَ فِي الأَرْضِ حَوْلَنَا رَجُلٌ يَتَزَوَّجُنَا كَعَادَةِ كُلِّ النَّاسِ. 32فَتَعَالَيْ نَسْقِيهِ خَمْراً وَنَضْطَجِعُ مَعَهُ فَلاَ تَنْقَطِعُ ذُرِّيَّةُ أَبِينَا". 33فَسَقَتَا فِي تِلْكَ اللَّيْلَةِ أَبَاهُمَا خَمْراً، وَأَقْبَلَتْ الابْنَةُ الْكُبْرَى وَضَاجَعَتْ أَبَاهَا فَلَمْ يَعْلَمْ بِاضْطِجَاعِهَا وَلاَ بِقِيَامِهَا. 34وَفِي الْيَوْمِ الثَّانِي قَالَتْ الابْنَةُ الْبِكْرُ لأُخْتِهَا الصَّغِيرَةِ: "إِنِّي قَدِ اضْطَجَعْتُ مَعَ أَبِي لَيْلَةَ أَمْسِ، فَتَعَالَيْ نَسْقِيهِ اللَّيْلَةَ أَيْضاً خَمْراً ثُمَّ ادْخُلِي وَاضْطَجِعِي مَعَهُ فَنُحْيِيَ مِنْ أَبِينَا نَسْلاً". 35فَسَقَتَا أَبَاهُمَا خَمْراً فِي تِلْكَ اللَّيْلَةِ أَيْضاً وَأَقْبَلَتْ الابْنَةُ الصَّغِيرَةُ وَضَاجَعَتْ أَبَاهَا. فَلَمْ يَعْلَمْ بِاضْطِجَاعِهَا وَلاَ بِقِيَامِهَا. 36وَهَكَذَا حَمَلَتْ الابْنَتَانِ كِلْتَاهُمَا مِنْ أَبِيهِمَا. 37فَوَلَدَتِ الْكُبْرَى ابْناً دَعَتْهُ مُوآبَ (وَمَعْنَاهُ مِنَ الأَبِ)، وَهُوَ أَبُو الْمُوآبِيِّينَ إِلَى الْيَوْمِ، 38أَمَّا الصُّغْرَى فَوَلَدَتِ ابْناً وَدَعَتْهُ "بَنْ عَمِّي) (وَمَعْنَاهُ ابْنُ قَوْمِي) وَهُوَ أَبُو بَنِي عَمُّونَ إِلَى الْيَوْمِ. (تكوين19\30--3

طبعا مثل هذه القطعة موضوعة..فما الذى يجعل نبى الله موسى يحقر من شأن أخيه لوط ويحكى هذه القصة؟؟أو ما الذى يجعل الله يفضح عبده المطيع لوط وهو الستار؟؟
سأحدثكم عنها فى الحلقة القادمة انشاء الله
ماتزعلوش منى..أنا عارف ان الحلقة ده كانت اباحية شوية..بس أنا كنت بحاول أكون مؤدب على أد ما أقدر..وأوعدكم ان الكلام ده مش حايتكرر كتير تانى..عشان عايز بقة أتكلم عن الاسلام شوية
استنونى
لا اله الا الله



يتبع........انتظرووووووني