[أم الجود]

احترم ثقافتك مهما كانت حدودها

شكراً .. بس كون أكيد انو حدودها بعيدة .. حتى لو حضرتك بيتهيألك غير هيك

بعيداً عن الشعارات الرنانة انا برأيي الشخصي *و ما حدا مضطر يوافقني على هالكلام* المرأة نصف المجتمع و طول ما في قيود و محظورات على هذا النصف فالمجتمع رح يضل معاق *أي مجتمع مو بس المجتمع السعودي* و في هذا الإطار لا أنت ولا غيرك فيه ينكر أنه المرأة بسوريا مُنصَفة أكتر بكتير منها في السعودية .. و ما بعرف إذا حضرتك سمعان شي بالسورية *نجاح العطار* وزيرة و نائبة رئيس جمهورية سابقة ، و *بثينة شعبان* وزيرة المغتربين الحالية و مستشارة الرئيس الحالية... بيكفيك هالشي كمعيار للتقدم ولا قول كمان ؟؟

أما بالنسبة لموضوع الحجاب فإذا متل ما عم تقول انو *كل بلد له انظمته وقوانينه و يجب أن تحترم حتى ولو كانت شمولية* ف ممكن تقلي ليش ببعض الدول الأوروبية العلمانية اللي بتمنع وجود كل الأشكال و الرموز الدينية في أماكن الدراسة و العمل ، احتجوا المسلمات المحجبات و ثاروا و اتهموا حكومات هالدول هي بالتعصب و محاربة الإسلام *مع انو القانون ما بيمنع بس الحجاب لا بل الصلبان و حتى القلنسوة اليهودية*


ليس نهاية العالم يعني احنا رجال مو ملحقين نوصل الدوام على الوقت من الزحمة فكيف لو سمحوا لنساء بسياقة ماراح نوصل الا بعد اسبوع

هاد أكبر دليل على نظرتك للمرأة كمخلوق ناقص عقل و دين .. هل تعرف يا سيدي الكريم انو المرأة بالدول المتحضرة بتسوق باصات مو بس سيارات .. بتقدم عالوظيفة متلها متل أي رجل و الأكفأ هو اللي بيحصل عالعمل .. و ما في أي دراسة علمية أو نفسية بتثبت انو الرجل أمهر من المرأة في القيادة !!


حاولي ان لا تحكمي على شعب بمجرد مشاهدة سايح اهيف يلهث وراء متع جنسية هنا وهناك

أكيد سأحاول و أنا بحترم خطابك و أفكارك حتى و إن لم تقنعني .. يكفي أنك تؤمن بها لتؤخذ على محمل الجد ..